ఏపీ పోలీసులకు ఉత్తమసేవా పురస్కారాలు

పలు కేసులను చాకచక్యంగా ఛేదించిన పోలీసులను ప్రోత్సహించి నూతనోత్సాహాన్ని నింపేందుకు పురస్కారాలు అందజేశారు. అత్యుత్తమ ప్రతిభ చూపిన వారికి డీజీపీ గౌతమ్ సవాంగ్ అవార్డులు అందజేశారు. పోలీసుశాఖలో ఏబీసీడీ పురస్కారాలను డీజీపీ గౌతమ్​ సవాంగ్‌ ప్రదానం చేశారు. పలు కీలక కేసులను చాకచక్యంగా ఛేదించిన పోలీసు అధికారులకు ఈ బహుమతులను అందజేస్తారు. మాజీ సీఎం పీఏ పేరుతో… డబ్బును డిమాండ్ చేసిన కేసును ఛేదించిన సైబర్ క్రైమ్ సీఐ గోపినాథ్​ మెుదటి బహుమతి అందుకున్నారు. విజయనగరం పేపర్ లోడ్ కేసును చాకచక్యంగా ఛేదించిన డీఎస్పీ పాపారావుకు రెండో బహుమతి, రైల్వేకోడూరులో సాఫ్ట్‌వేర్ ఇంజినీర్ హత్య కేసులో నిందితులను పట్టుకున్న సీఐ బాలయ్యకు 3వ బహుమతి లభించాయి.