India – China face off: గాల్వన్‌ ఘర్షణ.. వీడియోను విడుదల చేసిన డ్రాగన్.. ట్విట్ చేసిన గ్లోబల్ టైమ్స్

India – China Border Standoff – Galwan valley Clash Video: లడఖ్‌లోని ఎల్ఏసీ వెంబడి గల్వాన్ లోయలో గతేడాది భారత్‌ – చైనా సైనికుల మధ్య ఘర్షణ జరిగిన విషయం తెలిసిందే. ఈ హింసాత్మక దాడిలో 19 మంది భారత సైనికులు అమరులయ్యారు. 2019 జూన్‌లో జరిగిన ఈ ఘటనకు సంబంధించిన వీడియోను చైనా శుక్రవారం విడుదల చేసింది. ఈ వీడియోను చైనా అధికారిక మీడియా గ్లోబల్‌ టైమ్స్ ట్విట్టర్‌లో షేర్‌ చేసింది. అయితే.. భారత బలగాలే చైనా వైపు దూసుకొచ్చాయని అందులో పేర్కొంది. ఇరు దేశాల సైన్యాలు వాగ్వాదం జరిగినట్లు అందులో కనిపించింది. కాగా ఈ ఘర్షణలో ఐదుగురు చైనా సైనికులు మరణించారని వారికి నివాళులర్పిస్తున్నట్లు చైనా వెల్లడించింది. ఈ ఘర్షణలో ఇరు దేశాల సైనికులు చనిపోయారని.. చాలామంది గాయాలపాలయ్యారని వెల్లడించింది.

ఇదిలాఉంటే. పాంగాంగ్ సరస్సు ఇరువైపులా.. ఇరు దేశాల బలగాల ఉపసంహరణ ప్రక్రియ శుక్రవారం పూర్తయింది. అంతేకాకుండా భారత్-చైనా దేశాల సీనియ‌ర్ క‌మాండ‌ర్ల స్థాయి ప‌దో రౌండ్ చ‌ర్చ‌లు శనివారం జ‌ర‌గ‌నున్నాయి.  ఈ క్రమంలోనే వీడియో విడుదల చేయడంపై ప్రాధాన్యం సంతరించుకుంది.

Also Read:

India – China Border Standoff: తూర్పు లడఖ్‌లో పూర్త‌యిన భారత్ – చైనా బ‌ల‌గాల ఉపసంహ‌ర‌ణ‌..

మోదీ ప్రభుత్వం ఏం చేసినా వ్యతిరేకించడం ఫ్యాష‌న్‌గా మారింది.. కేరళలో బీజేపీ ప్రభుత్వమే నా లక్ష్యం: మెట్రో శ్రీధరన్