Crocodile: వామ్మో దారుణం.. 72 ఏళ్ల వృద్ధుడ్ని పీక్కుతిన్న 40 మొసళ్లు.. అసలేం జరిగిందంటే
మొసలిని చూస్తేనే కొంతమంది హడలెత్తి పోతారు. ఇక దాని దగ్గరికి వెళ్తే ఇంకా ఏమైనా ఉంటుందా గుండె ఆగిపోయేంత పని అవుతుంది. అయితే ఓ 72 ఏళ్ల వృద్ధుడిపై ఏకంగా 40 మొసళ్లు మూకుమ్ముడిగా దాడి చేయడం కలకలం రేపుతోంది. ఈ దుర్ఘటన కంబోడియాలో చోటుచేసుకుంది.
Updated on: May 26, 2023 | 7:57 PM
మొసలిని చూస్తేనే కొంతమంది హడలెత్తి పోతారు. ఇక దాని దగ్గరికి వెళ్తే ఇంకా ఏమైనా ఉంటుందా గుండె ఆగిపోయేంత పని అవుతుంది. అయితే ఓ 72 ఏళ్ల వృద్ధుడిపై ఏకంగా 40 మొసళ్లు మూకుమ్ముడిగా దాడి చేయడం కలకలం రేపుతోంది. ఈ దుర్ఘటన కంబోడియాలో చోటుచేసుకుంది. వివరాల్లోకి వెళ్తే ఓ వృద్ధుడు తన పొలం ఆవరణలో ఉన్న ఎన్‌క్లోజర్లో మొసళ్లు పెంచుతున్నాడు. అందులో ఓ మొసలి గుడ్లు పెట్టడంతో వాటికోసం ఆ మొసలిని ఎన్‌క్లోజర్‌ నుంచి తరలించాలనుకున్నాడు. అందుకోసం ఓ కర్రతో బెదిరిస్తూ పక్కకు తొలగిపోయేలా చేద్దామనుకున్నాడు. కానీ అది రివర్స్‌లో అతని కర్రను బలంగా పట్టుకుని ఎన్‌క్లోజర్‌లోకి లాగింది.
దీంతో ఆ వృద్ధుడు ఎన్‌క్లోజర్‌లోకి పడిపోయాడు. అక్కడున్న 40 మొసళ్లు ఒక్కసారిగా అతనిపై మూకుమ్మడి దాడి చేసి తినేశాయి. ఆ ప్రాంతంలో అతడి ఆవశేషాలు మాత్రమే కనిపించాయి. బాధితుడి కుటుంబ సభ్యులు కన్నీరుమున్నీరయ్యారు. చివరికి పోలీసులకు సమాచారం అందించారు. అయితే కంబోడియాలోని సియెమ్‌ రీప్‌ చుట్టూ అనేక మొసళ్లు సంరక్షణ ఎన్‌క్లోజర్‌లు ఉన్నాయి. ఆ ప్రాంతవాసులు ఈ మొసళ్లను వ్యాపారం కోసం పెంచుతుంటారు. వాటి గుడ్లు, మాంసం, చర్మం తదితరాలతో వ్యాపారం చేస్తూ జీవిస్తుంటారు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
