బీజేపీలో చేరనున్న విజయ్ తండ్రి..!
తమిళనాడులో అసెంబ్లీ ఎన్నికలు సమీపిస్తోన్న వేళ బీజేపీ పక్కా ప్లాన్తో దూసుకుపోతోంది. ఈ క్రమంలో పేరు మోసిన వారిని తమ పార్టీలోకి ఆహ్వానిస్తోంది.
Vijay Father BJP: తమిళనాడులో అసెంబ్లీ ఎన్నికలు సమీపిస్తోన్న వేళ బీజేపీ పక్కా ప్లాన్తో దూసుకుపోతోంది. ఈ క్రమంలో పేరు మోసిన వారిని తమ పార్టీలోకి ఆహ్వానిస్తోంది. ముఖ్యంగా సినీ ప్రముఖులు పలువురు బీజేపీలోకి వచ్చేందుకు స్కెచ్ వేస్తోంది. సినిమా రంగానికి చెందిన గౌతమి, రాధా రవి, కస్తూరి రాజా, గాయత్రి రఘురామ్ వంటి వారికి బీజేపీలోకి వెల్కమ్ పలికేందుకు ప్రయత్నాలు జరుగుతున్నట్లు వార్తలు వినిపిస్తున్నాయి. ఈ నేపథ్యంలో వారితో పాటు ఇప్పుడు మరో పేరు తమిళనాట వినిపిస్తోంది.
తమిళ స్టార్ నటుడు విజయ్ తండ్రి, దర్శకుడు ఎస్ఏ చంద్రశేఖర్ బీజేపీలో చేరబోతున్నట్లు కొన్ని పుకార్లు వినిపిస్తున్నాయి. కొందరైతే చంద్రశేఖర్ బీజేపీలో చేరిపోయారని వార్తలు సృష్టించారు. ఇక ఇవి కాస్త ఆ దర్శకుడి వద్దకు చేరడంతో.. వాటిపై చంద్రశేఖర్ స్పందించారు. ఆ వార్తల్లో ఏ మాత్రం నిజం లేదని, ఇప్పట్లో రాజకీయాల్లో చేరే ఆలోచన కూడా తనకు లేనట్లు స్పష్టం చేశారు.
కాగా విజయ్ ఇటీవల నటిస్తున్న చిత్రాలన్నీ ఏదొక వివాదంలో చిక్కుకుంటున్నాయి. ముఖ్యంగా ప్రభుత్వాలను టార్గెట్ చేస్తున్నట్లు అందులోని కొన్ని సన్నివేశాలు ఉంటున్నాయి. దీంతో విజయ్ సినిమాలు విడుదలైన ప్రతిసారి ఏదో ఒక రచ్చ జరుగుతూనే ఉన్నాయి. ఇక ఆయన మాస్టర్ షూటింగ్లో పాల్గొనే సమయంలోనూ విజయ్ ఇంట్లో ఐటీ దాడులు జరిగాయి. అప్పట్లో ఇది పెద్ద చర్చనీయాంశంగా మారిన విషయం తెలిసిందే.
Read More: