Personal growth: మీ విజయాన్ని ఆపే శత్రువులు ఇవే.. అవి మీలోనే ఉన్నాయి..

జీవితంలో విజయం సాధించాలని ప్రతీ ఒక్కరికీ ఉంటుంది. అందుకోసమే కృషి చేస్తుంటారు. ఉన్నత స్థానానికి చేరుకోవాలని ఆశపడుతుంటారు. అయితే విజయం అందరికీ అంత సులువుగా దక్కదు. అందుకోసం ఎంతో కృషి చేయాల్సి ఉంటుంది. ఎన్నో వదులుకోవాల్సి ఉంటుంది. ఇక మన విజయాన్ని కొన్ని సందర్భాల్లో బయటి వ్యక్తులు అడ్డుకుంటే మరికొన్ని సందర్భాల్లో మనలోని కొన్ని గుణాలే అడ్డుకుంటాయి. ఇంతకీ మన విజయాలన్ని అడ్డుకునే ఆ శత్రువులు ఏంటో ఇప్పుడు తెలుసుకుందాం..

* మనలో చాలా మంది పనులు వాయిదా వేస్తుంటాం. నిర్లక్ష్యమో, చేద్దాంలే ఏముంది టెన్షన్‌ అనే ఆలోచనలో కారణం ఏదైనా మనలో చాలా మంది పనులు వాయిదా వేస్తు ఉంటాయి. అయితే విజయాన్ని అందుకోలేకపోవడానికి ప్రధాన కారణాల్లో ఇది ప్రధానమైంది. పనిని వాయిదా వేస్తే మనం వెనకబడుతున్నట్లే అర్థం చేసుకోవాలి. అనుకున్న పనిని ఆ క్షణంలోనే చేయడాన్ని అలవాటు చేసుకుంటే విజయం దానంతట అదే వస్తుంది.

* ఇక మనలో చాలా మంది ఏదైనా కొత్త పని చేయాలన్నా, కొత్తగా ఏదైనా ప్రారంభించాలన్నా ఓడిపోతామెమో అనే భయంలో ఉంటారు. ఈ భయమే మీ ఎదుగుదలను అడ్డుకుంటుంది. ఇక చిన్న చిన్న వైఫల్యాలకు కూడా వెనుకబడుగు వేస్తుంటారు. అయితే జీవితమనే ప్రయాణంలో వైఫల్యాలను, విజయాలను ఒకేలా చూసినప్పుడే విజయం మీ సొంతమవుతుందని గుర్తు పెట్టుకోవాలి.

* జీవితంలో ఎదగలనుకునే వారు ముందుగా వారి లోపాలను కూడా గుర్తించాలి. మీలోని లోపాలను మీరు గుర్తించడంలో మీ వ్యక్తిగత ఎదుగుదలకు మూల స్థంభం. మీ లోపాలను మీరు గుర్తించినప్పుడే వాటిని ఎలా అధిగమించాలన్న విషయం తెలుస్తుంది. లోపాలను సవరించుకుంటే ఆటోమెటిక్‌గా విజయం మీ సొంతమవుతుంది.

* చాలా మంది కంఫర్ట్‌ జోన్‌లోకి వెళ్లిపోతారు. కొత్తగా ఏదైనా చేయాలంటే భయంతో ఉంటారు. అందుకే ఒక బౌండరీ గీసుకొని అందులోనే బతికేస్తుంటారు. అయితే జీవితంలో విజయం సాధించిన చాలా మంది ఆ కంఫర్ట్‌ జోన్‌లో నుంచి బయటకు వచ్చిన వారే అనే విషయాన్ని గుర్తు పెట్టుకోండి.

* మనలో కొందరు ప్రతీదీ పర్ఫెక్ట్‌గా ఉండాలని కోరుకుంటారు. అయితే ఇది ఏమాత్రం మంచి పద్ధతి కాదని చెబుతున్నారు. ప్రదీ దాంట్లో పరిపూర్ణత ఉండాలంటే అక్కడే ఉండిపోతే మీరు మీ జీవితంలో అనుకున్న విజయాన్ని అందుకోలేరు. అందుకే కొన్ని విషయాలను చూసి చూడనట్లుగా వదిలేస్తూ ముందుకు వెళ్లాలి.

మరిన్ని లైఫ్ స్టైల్ వార్తల కోసం క్లిక్ చేయండి..