Viral Video: డ్యాన్స్‌తో అదరగొట్టిన లిటిల్ ఏంజెల్.. ఎక్స్‌ప్రెషన్స్‌ చూస్తే ఆశ్చర్యపోతారంతే..!వైరలవుతోన్న వీడియో

సోషల్ మీడియాలో పిల్లలకి సంబంధించిన ఎన్నో వీడియోలు ఆకట్టుకుంటూనే ఉన్నాయి. చిన్న పిల్లల కంటెంట్‌తో ఈ మధ్య ఇంటర్నెట్‌లో చాలా వీడియోలు వచ్చి చేరుతున్నాయి. అలాగే ఇలాంటి కంటెంట్‌ను ఎక్కువ మంది ఇష్టపడుతున్నారు కూడా.

Bachpan Ka Pyar

Venkata Chari |

Updated on: Aug 06, 2021 | 5:45 AM

Viral Video: సోషల్ మీడియాలో పిల్లలకి సంబంధించిన ఎన్నో వీడియోలు ఆకట్టుకుంటూనే ఉన్నాయి. చిన్న పిల్లల కంటెంట్‌తో ఈ మధ్య ఇంటర్నెట్‌లో చాలా వీడియోలు వచ్చి చేరుతున్నాయి. అలాగే ఇలాంటి కంటెంట్‌ను ఎక్కువ మంది ఇష్టపడుతున్నారు కూడా. పిల్లల వీడియోలు చాలా ఫన్నీగా ఉంటాయి. వాటిని చూస్తే మనం నవ్వాపుకోలేం కూడా. మరోవైపు, కొంతమంది యువ మాస్టర్స్ ప్రతిభను చూసి మనం ఆశ్చర్యపోతుటాం కూడా. ఈ మధ్య ఇంటర్నెట్‌లో సందడి చేసిన ‘బచ్‌పన్ కా ప్యార్’ పాటను మీరందరూ తప్పక వినే ఉంటారు. ఈ పాటకు డ్యాన్స్ చేస్తూ, ఓ చిన్న పాప నెట్టింట్లో వైరల్‌గా మారింది.

‘బచ్‌పన్ కా ప్యార్ మేరా భూల్ నహీ జానా రే’ అనే పాట ఇంటర్నెట్ సంచలనంగా మారింది. దీనిని ఎంతో మంది హమ్ చేస్తూ డ్యాన్సులు వేస్తూ నెట్టింట్లో సందడి చేస్తు్న్నారు. ఈ లిస్టులోకి తాజాగా ఓ చిన్న పాప కూడా చేరింది. ఈ వీడియోలో అమ్మాయి డ్యాన్స్ చేసిన తీరును చూసిన నెటిజన్లు ఆశ్చర్యపోతున్నారు. చిన్న పాప అందమైన నృత్యానికి నెటిజన్లు ఫిదా అవుతున్నారు. నృత్యంతో పాటు, పాప పాటను హమ్ చేసే శైలి, ఎక్స్‌ప్రెషన్స్ కూడా అద్భుతంగా ఉన్నాయి.

ఈ వీడియో లిటిల్ ఏంజెల్ తాయ్షా మైనీ అనే ఇన్‌స్టాగ్రామ్ పేజీలో షేర్ చేశారు. సోషల్ మీడియాలో తైషా డ్యాన్స్ వైరల్‌గా మారింది. నెటిజన్లు ఈ వీడియోను షేర్ చేయడమే కాకుండా కామెంట్లు కూడా చేస్తున్నారు. ఎంతో క్యూట్‌గా డ్యాన్స్ చేసిందంటూ కొందరు, చిన్ని పాప లుక్స్, ఎక్స్‌ప్రెషన్స్ సూపర్ అంటూ మరికొంతమంది కామెంట్లు పంచుకున్నారు. ఆ వీడియోను మీరూ చూడండి.