దేవుడికి నైవేద్యంగా వైన్‌.. వీడియో వైరల్

పశ్చిమగోదావరి జిల్లాలో కొందరు వైన్‌ షాపు నిర్వహిస్తున్నారు. ప్రతిరోజూ తమ వ్యాపారం బాగా జరగాలని షాపులో దేవునికి పూజ చేస్తున్నారు. ప్రతిరోజూ ఏదొక నైవేద్యం పెడుతున్నారు. ఈ క్రమంలో వారు ప్రతిరోజూ దేవుడికి ఒకే రకమైన నైవేద్యం పెట్టి బోర్‌ కొట్టినట్టుంది. మనం తినే ఆహారాన్నే రకరకాలుగా తయారుచేసి దేవునికి పెడుతున్నాం.. కానీ ఎంతో ఇష్టంగా తాగే మద్యాన్ని ఎందుకు దేవుడికి పెట్టకూడదు అనుకున్నారు. అంతే ఉదయాన్నే షాపు ఓపెన్‌ చేయగానే శుద్ధి చేసి, చక్కగా దేవుడి పటాలు పూలతో అలంకరించి దీపం వెలిగించి, ధూపం వేసి, నైవేద్యంగా రెండు ఫుల్‌ మందు బాటిళ్లను నైవేద్యంగా సమర్పించారు. మందు స్ట్రాంగ్‌గా అనిపిస్తే కొంచెం వాటర్‌ కలుపుకోమని పక్కనే ఉద్దరినితో నీళ్లు కూడా పెట్టారు. ఇదంతా ఎవరో వీడియో తీసి సోషల్ మీడియాలో పోస్ట్‌ చేయడంతో వైరల్‌గా మారింది. దీనిపై నెటిజన్లు తమదైనశైలిలో స్పందించారు. ఇలా దేవుడికి రోజూ మద్యం నైవేద్యంగా పెడితే.. మందు బాబులు మద్యం కొనడం మానేసి ఆలయాల్లో ప్రసాదం కోసం క్యూ కట్టినట్టు ఈ మద్యం ప్రసాదం కోసం దుకాణం ముందు క్యూ కడతారేమో అంటున్నారు.

మరిన్ని వీడియోల కోసం :

కాసులకు కక్కుర్తిపడితే ఊచలు తప్పవు..బెట్టింగ్ బంగార్రాజులు బీ కేర్‌ఫుల్‌ వీడియో

38 గంటలు కదలకుండా నిలబడ్డ యూట్యూబర్.. బుగ్గ గిల్లినా డిస్టర్బ్ కాలేదు వీడియో

నిమ్మచెట్టు గ్రహదోషాలను తొలగిస్తుందా?వీడియో

మహా సముద్రంలో అంతుచిక్కని అద్భుతం.. సైంటిస్టులే షాక్‌!వీడియో