మహా సముద్రంలో అంతుచిక్కని అద్భుతం.. సైంటిస్టులే షాక్‌!వీడియో
Updated on: Mar 21, 2025 | 9:09 AM
సముద్ర గర్భాలు ఎన్నో అంతుచిక్కని అద్భుతాలకు నిలయాలు. సైంటిస్టులు వీటిపై నిరంతరం పరిశోధనలు చేస్తూనే ఉంటారు. ఈ క్రమంలోనే సముద్ర గర్భంలో దాగున్న ఎన్నో అద్భుతాలు వెలుగుచూస్తున్నాయి. ఈ క్రమంలోనే ఓ మహాసముద్రంలో ఇసుక రోడ్డు ఒకటి బయటపడింది. 2022లో ఓషన్ ఎక్స్‌ప్లోరేషన్ ట్రస్ట్‌కు చెందిన శాస్త్రవేత్తలు పసిఫిక్ మహా సముద్రంలో పరిశోధనలు చేశారు. ఇందులో భాగంగా ఓ మిషన్‌ను సముద్రంలో 3 వేల మీటర్ల లోతుకు పంపారు. ఆ మిషన్ లావాకు సంబంధించిన వాటిని తవ్వుతూ ఉంది. ఆ దృశ్యాలను మిషన్‌కు అమర్చిన కెమెరా ద్వారా నీటిపైన ఉన్న సైంటిస్టులు లైవ్‌లో చూస్తూ ఉన్నారు. కొద్దిసేపటి తర్వాత వారికి ఓ విచిత్రమైన ప్రదేశం కనిపించింది.
అది అచ్చం పసుపు రంగు ఇటుకలతో నిర్మించిన రోడ్డులా ఉంది. దాన్ని చూసి వారు ఆశ్చర్యపోయారు. ఆ రోడ్డు సముద్ర గర్భంలోకి ఎలా వచ్చిందన్న దానిపై వారు పరిశోధనలు చేపట్టారు. బంగారు వర్ణంలో మెరిసిపోతున్న ఆ రోడ్డు వేల ఏళ్ల క్రితం సముద్ర గర్భంలో కలిసిపోయిందా అనిపించింది. ఆ ఇటుకల రోడ్డును చూసి ‘అది అట్లాంటిస్ నగరానికి మార్గం అయి ఉంటుందా?’.. అంటూ ఓ సైంటిస్ట్ ఆశ్చర్యం వ్యక్తం చేశారు. మిగిలిన వాళ్లు కూడా దాన్ని చూసి నోరెళ్లబెట్టారు. అలా దానిపైన సైంటిస్టుల మధ్య పెద్ద చర్చే జరిగింది. అయితే, ఆ ఇటుకల రోడ్డు మానవ నిర్మితమైనది కాదని, సముద్ర గర్భంలో లావా పొంగి, పగుళ్ల కారణంగా అలా తయారై ఉంటుందని భావించారు. ఇటుకలతో రోడ్డు వేసినట్లు చాలా చక్కగా ఆ పగుళ్లు ఏర్పడ్డాయి. దాదాపు 10 అడుగుల వెడల్పుతో.. 20 అడుగుల పొడవు వరకు ఆ ప్రదేశం ఉంది. ఇటుకల రోడ్డులా కనిపిస్తున్న ఆ ప్రదేశం మొత్తం చాలా పొడిగా ఉండి,మిగిలిన ప్రదేశం తడిగా ఉండటంతో ఇదెలా సాధ్యం అని సైంటిస్టులు ఆశ్చర్యపోయారు. దీని వెనుక అంతరార్ధం ఏమిటో సైంటిస్టులకు కూడా అర్థం కాక మిస్టరీగానే మిగిలిపోయింది.
మరిన్ని వీడియోల కోసం :
పెంపుడు కుక్కలను కిడ్నాప్ చేసి.. రూ.10 కోట్లు డిమాండ్ .. చివరికి ఏమైందంటే?
ఏసీ కోచ్‌ల్ ప్రయాణిస్తున్న వ్యక్తి.. పడుకుందామని రెడీ అవుతుండగా..వీడియో
ఆచి.. తూచి.. అడుగు వెయ్యాలంటారు ఇందుకే..
కొంప ముంచిన కాఫీ.. ఏకంగా రూ.415 కోట్లు పరిహారం..
వేసవిలో బైక్ లు వాడుతున్నారా.. వీటితో జాగ్రత్త!
తాచుపాము కరిచినా..10వ తరగతి పరీక్ష రాసిన విద్యార్థి వీడియో
తెలుగు రాష్ట్రాల్లో బుసలు కొడుతున్న పాములు వీడియో
ఈ కోతికి ఫోన్‌ కనిపిస్తే చాలు.. వీడియో
ఎక్కడపడితే అక్కడ రీల్స్‌ చేస్తే ఇలాగే పగుల్తది..
