చెల్లి పెళ్లికి అన్న షాకింగ్ గిఫ్ట్.. అతిథులతో కన్నీళ్లు పెట్టించిన కానుక వీడియో

Share

పెళ్లి వేడుకలో వధువు తరపు వారు బంగారం, భూములు, ఇళ్లు వంటి విలువైన వస్తువులు ఇవ్వడం కామన్..! కానీ వరంగల్ జిల్లాకు చెందిన ఓ అన్న తన చెల్లి పెళ్లికి ఊహించని వినూత్న కానుక ఇచ్చి అందరినీ కన్నీళ్లు పెట్టించాడు. ఆ అన్నయ్య ఇచ్చిన కానుకను చూసి అక్కడున్న వారంతా అవాక్కయ్యారు. ఇంతకీ ఏం చేశాడు? ఆ అపురూప కానుక ఏంటో తెలుసుకోవాలంటే ఈ స్టోరీ చూడాల్సిందే! పెళ్లి వేడుకలో వధువుతో సహా అక్కడున్న వాళ్లంతా బోరున విలపించిన వినూత్న ఘటన ఇది. ఏడాది క్రితం తండ్రి చనిపోయి దుఃఖంతో తల్లడిల్లుతున్న ఆ వధువుకు తన అన్నయ్య అదిరిపోయే కానుక ఇచ్చాడు. ఆరడుగుల ఎత్తుతో తండ్రి విగ్రహాన్ని తయారు చేయించి.. ఆ పెళ్లి వేడుకలో ఆమెకు అపురూప కానుకగా ఇచ్చాడు. ఇది చూసి అంతా అవాక్కయ్యారు. ఈ విచిత్ర సంఘటన తెలంగాణా హనుమకొండ జిల్లా ఐనవోలు మండల కేంద్రంలో జరిగింది.