సింహంతో పరాచకాలాడితే ఇలాగే మడతెట్టేస్తది.. వీడియో వైరల్

వీడియో చూసిన నెటిజన్లు సింహంతో పరాచకాలాడితే ఇలాగే ఉంటుంది అంటూ కామెంట్లు పెడుతున్నారు. సింహం బోనులో ఉన్నా సరే దానితో అత్యంత జాగ్రత్తగా వ్యవహరించాలి. దానికి కోపం వస్తే పరిస్థితి ఊహించని విధంగా ఉంటుంది. ఈ వీడియోలో ఓ వ్యక్తి బోనులో ఉన్న సింహానికి ఆహారం పెడుతూ దానిని టీజ్ చేయడానికి ప్రయత్నించాడు. బోను తలుపు తెరిచి సింహం ముందుకు మాంసం ముక్కలను విసిరాడు. ఆ తర్వాత తన చేతితో చిటికెలు వేస్తూ సింహాన్ని టీజ్ చేయడానికి ప్రయత్నించాడు. అంతే… ఆ సింహానికి ఎక్కడలేని కోపం వచ్చేసింది. రోజూ ఒకటేరకం మాంసం పెడుతూ బోరు కొట్టించేది కాకుండా.. నాతోనే పరాచకాలాడతావా… ముందు నిన్ను భుజించేస్తే పీడ వదిలిపోతుంది.. అన్నట్టుగా కోపంతో గర్జిస్తూ అతనిమీదకు దూకింది. అలర్టయిన ఆ వ్యక్తి క్షణాల్లో బోను తలుపు మూసివేశాడు. దీంతో ఆ సింహం బోను లోపలి నుంచి మరింత కోపంగా గర్జిస్తూ అతన్ని భయపెట్టింది. దాంతో భయపడిన అతను ఓర్నాయనో..ఇంక ఇక్కడుండటం మంచిదికాదు అన్నట్టుగా అక్కడినుంచి జారుకున్నాడు. ఈ ఘటనకు సంబంధించిన వీడియో సోషల్‌ మీడియాలో వైరల్‌ అవుతోంది. వీడియోను లక్షలమంది వీక్షించారు. వేలాదిమంది లైక్‌ చేశారు. వీడియోపై నెటిజన్లు తమదైనశైలిలో కామెంట్లు చేశారు.

మరిన్ని వీడియోల కోసం ఇక్కడ క్లిక్ చేయండి

Also Watch:

ముక్క లేనిదే ముద్ద దిగదు.. మాంసాహారంలో తెలంగాణ టాప్‌

పాములా ప్రవర్తిస్తూ యువతి వింత చేష్టలు.. ఆ గ్రామంలో వింత ఘటన!

ఆయుష్షు గట్టిది అంటే ఇదే.. పెను ప్రమాదంలో కూడా

పిల్లాడితో కలిసి ఫుట్‌బాల్‌ ఆడిన కాకి.. వీడియో వైరల్

103 ఏళ్ల బామ్మ మేకప్‌ పాఠాలు.. ఫిదా అవుతున్న యూత్