Viral Video: చిరుతకే చెమటలు పట్టించిన కోతి.. వీడియో చూస్తే నవ్వకుండా ఉండలేరు.. వైరల్ వీడియో..

చిరుతపులి తన చురుకుదనంతో ఎలాంటి జంతువునైనా ఓడించగలదు. అలాంటి చిరుతకే ఓ కోతి చుక్కులు చూపించిన వీడియో నెట్టింట్లో తెగ వైరల్ అవుతోంది.

Wildlife Viral Video

Venkata Chari |
Updated on: Apr 28, 2022 | 7:15 AM

అడవి(Wildlife Video)లో ఎప్పుడు ఏం జరుగుతుందో, ఏ జంతువుపై దేనిపై దాడి చేస్తుందో చెప్పడం చాలా కష్టం. అయితే అప్పుడప్పుడు చిన్న జంతువులు కూడా భారీ ఆకారం ఉన్న జంతువులకు చుక్కలు చూపిస్తుండడం మనం సోషల్ మీడియాలో చూస్తూనే ఉన్నాం. అడవిలో చాలా రకాల జంతువులు కనిపిస్తాయి. కానీ, చిరుతపులి(Leopard ) తన చురుకుదనంతో ఎలాంటి జంతువునైనా ఓడించగలదు. స్పీడ్‌ విషయంలో దానికి సమానంగా ఏ జంతువు నిలవలేదు. కానీ, అలాంటి చిరుతకే ఓ కోతి(Monkey) చుక్కులు చూపించిన వీడియో నెట్టింట్లో తెగ వైరల్ అవుతోంది. నెటిజన్లను ఈ వీడియో ఎంతగానో ఆకట్టుకుంటోంది. చిరుతనే ముప్పతిప్పలు పెట్టిన కోతిని అంతా మొచ్చుకుంటున్నారు. దీంతో ఈ వీడియోను నెట్టింట్లో తెగ షేర్ చేస్తున్నారు.

ఇక వీడియో విషయానికి వస్తే.. కోతిని వేటాడేందుకు చిరుతు సిద్ధమైంది. అయితే, భూమిపై అయితే, చిరుతే విజయం సాధించి ఉండేదేమో. తెలివిగా కోతి మాత్రం ఏకంగా ఓ చెట్టు ఎక్కింది. చిరుత మాత్రం నేనేం తక్కువ కాదంటూ.. చెట్టుపైకి ఎక్కింది. అసలు కథ ఇక్కడే మొదలైంది. పూర్తిగా ఆధిపత్యం చూపించిన కోతి, చిరుతకు చిక్కకుండా చుక్కలు చూపించింది.

చిరుతపులులు చెట్లను ఎక్కడంలో ఎంతో ప్రావీణ్యం పొందాయని తెలిసిందే. అలాంటి వాటికే ఈ చిన్న కోతి చెట్టుపైనే ముప్పుతిప్పలు చూపించింది. కోతిని పట్టుకోవడానికి చిరుతపులి చెట్టు ఎక్కుతుండగా, తనను తాను రక్షించుకోవడానికి కోతి చెట్టు కొమ్మలకు వేలాడుతున్నట్లు వీడియోలో చూడొచ్చు. చిరుతపులి కోతి వద్దకు రావడం ప్రారంభించిన వెంటనే, కోతి చెట్టుపై ఒక కొమ్మ నుంచి మరొక కొమ్మపైకి దూకుతూ, తప్పించుకుంది. ఈ క్రమంలో చిరుతకే చెమటలు పట్టించింది.. ఈ సీన్ చూస్తుంటే మాత్రం.. ఒకదానితో ఒకటి ఆడుకుంటున్నట్లు అనిపిస్తుంది. ఇది చూడ్డానికి చాలా తమాషాగా అనిపించినా.. కోతి వేగం ముందు చిరుత చురుకుదనం ఫలించలేదు. దీంతో అటు ఇటు తిరిగి తీవ్రంగా అలసిపోయి, అలానే కొమ్మపైనే చేసేదేం లేక కూర్చుండిపోయింది.