పదిహేనేళ్ల కల నెరవేరింది.. కుమారి ఆంటీ భావోద్వేగం!వీడియో
తనదైన మాటలతో.. రుచికరమైన వంటలతో ఎందరో అభిమానులను సంపాదించుకున్న కుమారి ఆంటీ అంటే తెలియని వారుండరు. సోషల్ మీడియాలో సైతం తరచూ ఆమె తన ఫుడ్ వీడియోలను పంచుకుంటారు. ఈ క్రమంలో తన పదిహేనేళ్ల కల నెరవేరిందంటూ కుమారి ఆంటీ తాజాగా చెప్పుకొచ్చారు. ఇటీవలి వినాయక చవితి ఉత్సవాల్లో భాగంగా జరిగిన ఓ లడ్డూ వేలంలో ఆమె పాల్గొని, గణేశుడి ప్రసాదాన్ని దక్కించుకున్నారు. ఈ క్రమంలో ఆమె పెట్టిన వీడియో సోషల్ మీడియాలో వైరల్గా మారింది.
వినాయక నిమజ్జనం సందర్భంగా స్థానికంగా నిర్వహించిన లడ్డూ వేలం పాటలో కుమారి ఆంటీ పాల్గొన్నారు. ఉత్కంఠభరితంగా సాగిన ఈ వేలంలో ఆమె పోటీపడి లడ్డూను సొంతం చేసుకున్నారు. ఈ సంతోషకరమైన విషయాన్ని తన ఇన్స్టాగ్రామ్ ఖాతా ద్వారా అభిమానులతో పంచుకున్నారు. ఈ లడ్డూ తనకు చాలా ప్రత్యేకమని, ఎన్నో ఏళ్లుగా ఎదురుచూస్తున్న కోరిక ఇప్పుడు తీరిందని ఆమె ఆనందం వ్యక్తం చేశారు. ఈ సందర్భంగా ఆమె తన వీడియోలో భావోద్వేగంగా మాట్లాడారు. “నేను హోటల్ ప్రారంభించి 15 సంవత్సరాలు అవుతోంది. అప్పటి నుంచి ప్రతి ఏటా వినాయకుడికి ప్రసాదం సమర్పిస్తున్నాను. గణపయ్యా.. నీ లడ్డూ నాకు ఎప్పుడిస్తావు అని అడుగుతూనే ఉన్నాను. చివరికి ఈ ఏడాది స్వామివారు కరుణించి తన ఆశీర్వాదంగా నాకు ఈ లడ్డూను ఇచ్చారు. జై గణేశా, జై జై గణేశా” అని పేర్కొన్నారు. ఆమె పోస్ట్ చేసిన ఈ వీడియో ప్రస్తుతం సామాజిక మాధ్యమాల్లో వైరల్ అవుతోంది. ఎంతో మంది నెటిజన్లు ఆమెకు శుభాకాంక్షలు తెలుపుతూ కామెంట్లు పెడుతున్నారు. అయితే, ఈ లడ్డూను ఎంత మొత్తానికి వేలంలో దక్కించుకున్నారనే విషయాన్ని మాత్రం కుమారి ఆంటీ వెల్లడించలేదు. హైదరాబాద్లో హోటల్ నిర్వహిస్తున్న ఆమె, తన స్పెషల్ వంటకాలతో పాటు తనమాటతీరుతో సోషల్ మీడియాలో సెలబ్రిటీగా మారిన విషయం తెలిసిందే.
మరిన్ని వీడియోల కోసం :
లగ్జరీ బంగ్లాను ఖాళీ చేసిన స్టార్ కపుల్.. కారణం తెలిస్తే షాకవుతారు వీడియో
ఏపీ, తెలంగాణలో దసరా సెలవులు ఎప్పటినుంచంటే? వీడియో
‘స్పిరిట్’ పై సందీప్ రెడ్డి అప్ డేట్.. ప్రభాస్ ఫ్యాన్స్ సంబరాలు వీడియో