పెళ్లిలో ఏడడుగులు వేస్తుండగా ఊడిపోయిన వరుడి లుంగీ.. తరువాత..

వైరల్ అవుతున్న ఆ వీడియో ప్రకారం.. ఓ మండపంలో వివాహ వేడుక జరుగుతోంది. వధువు నుదుట వరుడు తిలకం దిద్దిన తర్వాత వధూవరులిద్దరూ పెళ్లి తంతులో భాగంగా ఏడడుగులు వేస్తున్నారు. వరుడి చిటికెన వేలు పట్టుకుని వధువు నడుస్తూ ఉంటుంది. తొలి రౌండ్ పూర్తి కాగానే వరుడి లుంగీ జారి కిందపడిపోయింది. దీంతో చుట్టు పక్కల ఉన్న వారందరూ ఘొల్లుమని నవ్వుకున్నారు. వరుడు సిగ్గుపడి వెంటనే లుంగీ తీసి కట్టుకున్నాడు. ఆ ఘటనను రికార్డు చేసిన వ్యక్తి ఆ వీడియోను సోషల్ మీడియాలో పోస్ట్ చేశాడు. ఆ వీడియో కాస్తా వైరల్‌గా మారింది.ఆ వీడియోపై నెటిజన్లు తమదైన శైలిలో ఫన్నీ కామెంట్లు చేశారు. పాపం.. పరువంతా పోయింది అని కామెంట్స్ పెడుతున్నారు. లుంగీ కట్టుకుంటే అలాంటి ఇబ్బందులు తప్పవు. పాపం.. పెళ్లిలో ఇలా జరగడం ఘోరం అంటూ నవ్వుకుంటున్నారు.