Gaganyaan: గగన్‌యాన్‌ తొలి ప్రయోగం సక్సెస్‌..! బంగాళాఖాతంలో సురక్షితంగా దిగిన మాడ్యూల్‌.

భారత అంతరిక్ష సంస్థ ఇస్రో మరోసారి చ‌రిత్ర సృష్టించింది. మ‌నుషుల‌ను నింగిలోకి పంపే ప్రయోగంలో విజయం సాధించింది. గ‌గ‌న్‌యాన్ మిష‌న్‌లో భాగంగా అక్టోబరు 21న జ‌రిగిన టీవీ-డీ1 ఫ్లయిట్ టెస్ట్ విజ‌య‌వంత‌మైంది. మొదట ఈ రాకెట్‌ ప్రయోగాన్ని రెండు సార్లు వాయిదా వేసినా.. ఆ త‌ర్వాత ఉద‌యం 10 గంట‌ల‌కు విజ‌య‌వంతంగా నిర్వహించారు.
టీవీ-డీ1 క్రూ మాడ్యూల్ అనుకున్నట్లే నింగిలోకి దూసుకెళ్లి.. ఆ త‌ర్వాత బంగాళాఖాతంలో సుర‌క్షితంగా దిగింది. పారాచూట్ల ఆధారంగా మాడ్యూల్ నీటిపై వాలింది. మూడు పారాచూట్ల సాయంతో క్రూ మాడ్యూల్ దిగింది. సముద్రంలో ఉన్న ఇండియ‌న్ నేవీ ఆ మాడ్యూల్‌ను సేక‌రిస్తుంది. అక్టోబరు 21 ఉద‌యం 8 గంట‌ల‌కు వెద‌ర్ స‌రిగా లేని కార‌ణంగా ప్రయోగాన్ని 45 నిమిషాల‌పాటు వాయిదా వేశారు. అనంతరం 8 గంటల 45 నిమిషాల‌కు చేప‌ట్టిన‌ టీవీ-డీ1 ప్రయోగంలో సాంకేతిక లోపం త‌లెత్తింది. రాకెట్ ఇంజిన్‌లో లోపం తలెత్తినట్టు ఇస్రో వెల్లడించింది. అనుకున్న సమయానికి ఇంజిన్ మండ‌క‌పోవ‌డం వ‌ల్ల గ‌గ‌న్‌యాన్ మాడ్యూల్ ప‌రీక్షను వాయిదా వేశారు. 5 సెక‌న్ల ముందు ప‌రీక్షను ర‌ద్దు చేశారు. అనంతరం ఉదయం 10 గంటలకు మరోసారి ప్రయోగం నిర్వహించారు. ఈ క్రమంలో టీవీ-డీ1 టెస్ట్‌ విజయవంతమైంది. ప్రతిష్టాత్మక గ‌గ‌న్‌యాన్ మిష‌న్‌కు మ‌రింత ఉత్తేజం వ‌చ్చింది. టీవీ-డీ1 ఫ్ల‌యిట్ స‌క్సెస్ కావ‌డం ప‌ట్ల ఇస్రో చైర్మెన్ సోమ‌నాథ్ సంతోషం వ్యక్తం చేశారు. సాంకేతిక లోపాన్ని త్వర‌గా ప‌సిక‌ట్టి.. చాలా త‌క్కువ స‌మ‌యంలోనే మ‌ళ్లీ ప‌రీక్షను విజ‌య‌వంతంగా నిర్వహించ‌డం ఆనందంగా ఉంద‌ని ఆయ‌న వెల్లడించారు.

మరిన్ని వీడియోస్ కోసం:
Videos

Allu Arjun: నేషనల్ అవార్డు విన్నర్స్.. ఈ అవార్డు ప్రైజ్‌ మనీ తెలిస్తే షాకవుతారు..!

Mahesh Babu: హాలీవుడ్‌ గడ్డపై మహేష్‌ దిమ్మతరిగే రికార్డ్‌.. సౌత్ లోనే ఒక్క మగాడిగా రికార్డు.

Viral Video: ప్రభుత్వ స్కూల్ టీచర్స్ ఓవర్ యాక్షన్.. నుదుట బొట్టు, తలలో పూలతో వచ్చారని శిక్ష..