చలనం లేకుండా పుట్టిన శిశువు.. అంత్యక్రియలకు సిద్ధమవుతుండగా !!
Updated on: Nov 14, 2024 | 9:44 PM
అనకాపల్లి జిల్లాలో అరుదైన ఘటన చోటుచేసుకుంది. కదలికలు లేకుండా పుట్టిన ఓ శిశువు మృతిచెందిందని వైద్యులు చెప్పగా అంత్యక్రియలకు సిద్ధమయ్యారు. ఈ క్రమంలో ఆ శిశువులో కదలికలు రావడంతో మళ్లీ ఆస్పత్రికి తరలించి చికిత్స అందిస్తున్నారు. శిశువు ఆరోగ్య పరిస్థితి నిలకడగా ఉందని వైద్యులు తెలిపారు.
శిశువు తండ్రి తెలిపిన వివరాలు ప్రకారం.. చీడికాడ మండలం కండివరం గ్రామానికి చెందిన రమ్య గర్భిణి. ప్రసవం కోసం కేజీహెచ్ లో చేరింది. రమ్య ఆరోగ్యం సహకరించకపోవడంతో 25 వారాలకే ప్రీ మెచ్యూర్ బేబీకి జన్మనిచ్చింది. శనివారం ఉదయం నాలుగు గంటలకు మగ బిడ్డ పుట్టాడు. కేవలం 912 గ్రాముల బరువుతో పుట్టిన ఆ శిశువుకు అవసరమైన వైద్య సేవలు అందించారు. అయితే ఆ ఆనందం ఎంతోసేపు లేదు ఆ కుటుంబానికి. ఎందుకంటే పుట్టిన ఆ శిశువులో చలనం లేదు. వైద్యులు గంటలపాటు శిశువును బ్రతికించేందుకు శ్రమించారు.. చివరకు 6 గంటల అబ్జర్వేషన్ తర్వాత బిడ్డకు ఊపిరి ఆగిపోయిందని పేరెంట్స్కు సమాచారం ఇచ్చారు. ఆసుపత్రి సిబ్బంది సైతం అదే అంశాన్ని ఆస్పత్రి రికార్డ్స్లో ఎంట్రీ చేశారు. ఆ తరువాత శిశువును తండ్రికి అప్పగించారు. దీంతో తీవ్ర విషాదంలోకి వెళ్లిపోయింది ఆ కుటుంబం. శిశువుకు అంత్యక్రియలు జరిపించేందుకు ఆ తండ్రి బరువెక్కిన గుండె తో ఇంటికి బయలు దేరాడు. అంబులెన్స్లో కూర్చున్న తరువాత ఆశ్చర్యకర ఘటన చోటుచేసుకుంది. ఒడిలో ఉన్నశిశువులో కదలికలు వచ్చాయి. అది గమనించిన తండ్రి.. హుటాహుటిన శిశువును వైద్యుల వద్దకు తీసుకెళ్లాడు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
కొబ్బరి చెట్టు మొదలులో శివలింగం ప్రత్యక్షం !!
క్షుద్ర పూజలు ఎంత భయంకరంగా ఉంటాయో తెలుసా ?? ఒళ్లు గగుర్పొడిచే వీడియో..
మహిళలకు గుడ్ న్యూస్.. త్వరలోనే ఉచిత బస్సు ప్రయాణం
మతిస్థిమితం లేని వ్యక్తి చేసిన పని.. చావు దాకా వెళ్లిన చిన్నారులు
లిఫ్ట్ ఓపెన్.. మంగళసూత్రం ఖతం !!
అద్భుతం.. సాగర గర్భంలో త్రివర్ణపతాక ధగధగలు
సైగలతోనే బధిర బాలల జాతీయ గీతం
మూగజీవాలపై ఎందుకింత కసి ?? జంతు ప్రేమికుల నిరసన
లవర్ భార్యకు HIV ఇంజెక్షన్.. మాజీ ప్రియురాలి దారుణం
తల్లి ప్రేమ అంటే ఇదే.. కన్నీటి పర్యంతమైన తల్లి ఆవు
