David Warner: రష్మిక ఐయామ్‌ సారీ అంటూ వీడియో పోస్ట్‌ చేసిన వార్నర్‌.. ఇంతకీ విషయమేంటంటే..

ఆస్ట్రేలియా క్రికెటర్‌ డేవిడ్‌ వార్నర్‌ గురించి ప్రత్యేకంగా పరిచయం చేయాల్సిన పనిలేదు. సోషల్‌ మీడియాలో నిత్యం యాక్టివ్‌గా ఉంటూ నెటిజన్లను ఆకట్టుకుంటాడు వార్నర్‌. సెలబ్రిటీల ఫేస్‌లను తన ఫేస్‌తో మార్ఫింగ్‌ చేసిన వీడియోలను పోస్ట్‌ చేస్తూ వార్తల్లో నిలుస్తుంటాడు వార్నర్‌. మరీ ముఖ్యంగా టాలీవుడ్‌ ప్రముఖుల వీడియోలను షేర్‌ చేసే వార్నర్‌ తాజాగా ఓ ఆసక్తికరమైన వీడియోను పోస్ట్‌ చేశాడు. ఇప్పటి వరకు కేవలం పురుషుల వీడియోలనే మార్ఫింగ్‌ చేసిన వార్నర్‌ తాజాగా హీరోయిన్‌ను ఇమిటేడ్‌ చేశాడు.

అందాల తార రష్మిక మందన్న ఫేస్‌తో మార్ఫింగ్ చేసిన వీడియోను పోస్ట్ చేశాడు. రీ ఫేస్‌ యాప్‌ ద్వారా రూపొందించిన ఈ వీడియో ప్రస్తుతం నెట్టింట తెగ వైరల్‌ అవుతోంది. రష్మిక, నితిన్‌ జంటగా తెరకెక్కిన భీష్మ సినిమాలోని ‘వాటే బ్యూటీ’ పాటలో రష్మిక ఫేస్‌ను తన ఫేస్‌తో ఎడిట్‌ చేశాడు. ప్రస్తుతం ఈ వీడియో నెట్టింట తెగ సందడి చేస్తోంది. ఈ వీడియోను ఇలా పోస్ట్‌ చేశాడో లేదో అలా చక్కర్లు కొడుతోంది.

View this post on Instagram

A post shared by David Warner (@davidwarner31)

ఇదిలా ఉంటే ఈ వీడియోను పోస్ట్‌ చేసిన వార్నర్‌. ‘దీనికి సో సారీ’ అంటూ రాసుకొచ్చాడు. అయితే ఈ వీడియోపై రష్మిక ఎలా స్పందిస్తుందో చూడాలి. ఇక ఈ వీడియోకు లైక్‌లతో పాటు కామెంట్ల వర్షం కూడా కురుస్తోంది. ఇంతకుముందున్నడూ ఇంత బెటర్‌గా కనిపించలేదంటూ యువరాజ్‌ సింగ్‌ కామెంట్‌ చేశాడు. ఇక ఈ వీడియో చూసిన నెటిజన్లు సైతం నవ్వు ఆపుకోలేకపోతున్నారు.

మరిన్ని వైరల్ వీడియోల కోసం క్లిక్ చేయండి..