Viral Video: అట్లుంటది మరి నా జోలికొస్తే.. సింహాల గుంపును చెడుగుడాడిన జిరాఫీ.. సినిమాల్లో హీరోలా..

Viral Video: పులులు, సింహాలు ఇలాంటి క్రూరమృగాలు ఎక్కువగా జింకలపై దాడి చేస్తాయి. ఒక రకంగా చెప్పాలంటే తమ కంటే బలహీనంగా ఉన్న జంతువులపై దాడి చేసి ఆహారంగా మార్చుకుంటాయి. దీనికి కారణంగా ఈ జంతువుల నుంచి పెద్దగా ప్రతి ఘటన ఉండదు కాబట్టే...

Representative Image

Updated on: Apr 29, 2022 | 5:51 PM

Viral Video: పులులు, సింహాలు ఇలాంటి క్రూరమృగాలు ఎక్కువగా జింకలపై దాడి చేస్తాయి. ఒక రకంగా చెప్పాలంటే తమ కంటే బలహీనంగా ఉన్న జంతువులపై దాడి చేసి ఆహారంగా మార్చుకుంటాయి. దీనికి కారణంగా ఈ జంతువుల నుంచి పెద్దగా ప్రతి ఘటన ఉండదు కాబట్టే. కానీ సింహం జిరాఫీపై దాడి చేస్తే ఎలా ఉంటుంది.? ఊహించుకోవడానికే ఆశ్చర్యంగా ఉంది కదూ! తాటి చెట్టంత పొడవు ఉండే జిరాఫీపై సింహం దాడి చేయడం అసంభవం అని భావిస్తుంటాం. అయితే ఇది నిజంగానే జరిగింది. ప్రస్తుతం దీనికి సంబంధించిన వీడియో నెట్టింట చక్కర్లు కొడుతోంది.

ఒక పెద్ద అడవిలో జిరాఫీ అటువైపు తిరిగి నిల్చొని ఉంది. ఇదే సమయంలో అక్కడే ఓ సింహాల గుంపు సేదతీరుతోంది. జిరాఫీ అటుగా రాగానే వెనకాల నుంచి ఓ సింహం అమాంతం జిరాఫీ కాలును పట్టేసి నోటితో కొరికేసింది. అయితే జిరాఫీకి బలం తక్కువగా ఉంటుందా చెప్పండి.. ఒక్కసారిగా కాలును విదిలించింది దీంతో సింహం కింద పడిపోయింది. మరో సింహం వెంటనే ఇంకో వైపు నుంచి దాడికి దిగింది. ఇలా ఒకటి కాకపోతే మరొకటిగా.. గుంపులోని సింహాలాన్ని ఒక్కొక్కటిగా జిరాఫీని అటాక్‌ చేస్తూనే ఉన్నాయి.

జిరాఫీ కూడా తక్కువేం కాదన్నట్లు.. కాళ్లతో ఎడపేడ తన్నేసింది. సినిమాల్లో హీరోపై దాడి చేయడానికి వచ్చే విలన్లను తన్నినట్లు ఎటు పడితే అటు తన్నేసింది. దీంతో సింహాలు జిరాఫీ దగ్గరికి రావడానికి కాస్త ఆలోచనలో పడ్డాయి. అయితే జిరాఫీ అక్కడి నుంచి వెళ్లిపోదామనుకుంటున్న సమయంలోనే గుంపుగా సింహాలు దాడి చేయడానికి వచ్చాయి. అయితే ఆ తర్వాత ఏం జరిగిందన్న విషయం మాత్రం వీడియోలో కనిపించలేదు. ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతోంది. ఈ భీకర పోరు చూసిన నెటిజన్లు ఆశ్చర్యపోతున్నారు.