ప్రపంచవ్యాప్తంగా గుర్తింపు పొందిన ఖైరతాబాద్ మహా గణపతి విగ్రహం ఈసారి 63 అడుగుల ఎత్తులో శ్రీ దశమహా విద్యాగణపతిగా భక్తులకు దర్శనమిస్తోంది. ఖైరతాబాద్ గణేశుడి దగ్గర భక్తుల కోలాహలం అంతకంతకు పెరుగుతోంది. ఖైరతాబాద్ మహా గణేశుడికి ఉదయం 9.30 గంటలకు పూజలు ప్రారంభమయ్యాయి. పండుగ రోజే దాదాపు లక్ష మంది భక్తులు ఖైరాతబాద్ గణపతిని దర్శించుకునే అవకాశం ఉన్నట్లు చెబుతున్నారు. దీంతో భక్తుల రద్దీని దృష్టిలో పెట్టుకొని బారీకేడ్లు, క్యూలైన్లను ఏర్పాటు చేశామన్నారు మంత్రి తలసాని. మరోవైపు గణేష్ చతుర్థి అంటే చిన్న పిల్లల నుంచి పెద్దవాళ్ల వరకు అంగరంగ వైభవంగా జరుపుకుంటామన్నారు హర్యానా గవర్నర్ దత్తాత్రేయ. దేశంలో ఖైరతాబాద్ వినాయకుడు ఎత్తైన మట్టి విగ్రహం అన్నారు గవర్నర్ తమిళిసై .గణేషుడి పూజలో పాల్గొనడం ఆనందంగా ఉందంటూ ప్రజలకు వినాయక చవితి శుభాకాంక్షలు తెలిపారు.
మరిన్ని తెలంగాణ వార్తల కోసం