Watch Video: ‘క్యాచ్ ఆఫ్ ది ఇయర్’ చూశారా.. నెట్టింట్లో వైరలవుతోన్న వీడియో..!
Big Bash League: క్రిస్ లిన్ ఇచ్చిన అద్భుతమైన క్యాచ్‌ను ఆస్ట్రేలియా క్రికెటర్ సీన్ అబాట్ ఒడిసిపట్టుకున్నాడు. దీనికి సంబంధించిన వీడియో సోషల్ మీడియాలో తెగ వైరల్ అవుతోంది.
Big Bash League: బుధవారం సిడ్నీ సిక్సర్స్ వర్సెస్ బ్రిస్బేన్ హీట్ మధ్య జరిగిన ఆస్ట్రేలియా దేశీయ టీ20 లీగ్ బిగ్ బాష్ లీగ్ మ్యాచ్‌లో సిడ్నీ ఆల్ రౌండర్ సీన్ అబాట్ అద్భుతమైన క్యాచ్ పట్టాడు. బ్రిస్బేన్ కీలక బ్యాట్స్‌మెన్ క్రిస్ లిన్ ఇచ్చిన ఆశ్చర్యకరమైన క్యాచ్‌ను పట్టుకున్నాడు. దీనికి సంబంధించిన వీడియో సోషల్ మీడియాలో విపరీతంగా వైరల్ అవుతోంది. ప్రజలు దీనిని సంవత్సరంలో అత్యుత్తమ క్యాచ్ అని పిలుస్తున్నారు.
సిడ్నీ వేదికగా జరుగుతున్న ఈ మ్యాచ్‌లో టాస్ గెలిచిన బ్రిస్బేన్ హీట్ తొలుత బ్యాటింగ్ ఎంచుకుంది. ఈ సమయంలో, కెప్టెన్ జిమ్మీ పియర్సన్, క్రిస్ లిన్ ఓపెనింగ్ బరిలో దిగారు. లిన్ కేవలం 2 పరుగులు మాత్రమే చేసి అబాట్‌కు క్యాచ్ ఇచ్చి పెవిలియన్ చేరాడు.
కవర్‌పై ఫుల్ స్ట్రెచ్ డైవ్‌తో అబాట్ క్రిస్ లిన్ ఇచ్చిన క్యాచ్‌ను పట్టుకున్నాడు. అబాట్ క్యాచ్‌ని చూసి మైదానంలో ఉన్న ప్రతి ఆటగాడు ఆశ్చర్యపోయాడు. ఈ క్యాచ్‌ను “కాచ్ ఆఫ్ ది సమ్మర్” అని కూడా పిలుస్తున్నారు.
ఫాస్ట్ బౌలర్ బెన్ ద్వార్షుయిస్ వేసిన బంతిని క్రిస్ లిన్ ముందుకు వెళ్లి బలమైన షాట్ ఆడాడు. అయితే కవర్ వద్ద నిలబడిన సీన్ అబాట్ అద్భుతమైన క్యాచ్ పట్టుకుని అతనికి పెవిలియన్ దారి చూపించాడు.
ఉత్కంఠగా సాగిన మ్యాచ్‌లో సిడ్నీ విజయం..
ఈ మ్యాచ్‌లో బ్రిస్బేన్ తొలుత బ్యాటింగ్ చేసి 105 పరుగులు మాత్రమే చేసింది. అయితే, అతని బలమైన బౌలింగ్ కారణంగా, చివరి బంతి వరకు పోరాడింది. అయితే చివరి బంతికి సిడ్నీ విజయాన్ని అందుకుంది. దీంతో సిడ్నీ రెండు వికెట్లు కోల్పోయి విజయం సాధించింది.
ఆసక్తికరమైన విషయం ఏమిటంటే.. సీన్ అబాట్ అజేయంగా 37 పరుగులు చేసి తన జట్టుకు విజయాన్ని అందించాడు. 106 పరుగుల లక్ష్యంతో బరిలోకి దిగిన సిడ్నీ 13వ ఓవర్‌లో 47 పరుగులకే ఎనిమిది వికెట్లు కోల్పోయింది. దీని తర్వాత అబాట్ మ్యాచ్ విన్నింగ్ ఇన్నింగ్స్ ఆడి జట్టును గెలిపించాడు.
Also Read: IND vs SA: చారిత్రాత్మక విజయంలో ‘ఆ నలుగురిదే’ కీలకపాత్ర.. సెంచూరియన్‌లో సత్తా చాటిన పేస్ దళం..!
India Vs South Africa: తొలి టెస్ట్‌లో చిత్తుగా ఓడిన సఫారీలు.. భారత్ ఘన విజయం…