ఆ సమస్యలకు చెక్ పెట్టె విధంగా.. హైవేలపై QR కోడ్​ బోర్డులు

హైవేపై వెళ్లే సమయంలో సమస్య వస్తే ఎవరిని సంప్రదించాలో తెలియక తికమకపడుతుంటారు. కొన్నిసార్లు పెట్రోల్​ అయిపోయినా ఇబ్బంది పడాల్సిందే. ఇలా ప్రయాణంలో కావాల్సిన సమాచారం తెలుసుకోలేక అవస్థలు పడుతుంటారు. ఇలాంటి సమస్యల కోసం రహదారులపై ఎన్‌హెచ్‌ఏఐ క్యూఆర్​ కోడ్ బోర్డులు ఏర్పాటు చేస్తుంది. జాతీయ రహదారి మార్గంలో తరచూ ప్రమాదాలు జరుగుతుంటాయి. అటువంటి పరిస్థితుల్లో అర్ధరాత్రి వేళ ఎవరికి సమాచారం అందించాలో కూడా తెలియని పరిస్థితి. ఆ సమయంలో బాధితులకు సమాచారం తెలియక, సకాలంలో సేవలు అందక ఇబ్బంది పడుతుంటారు. రహదారులపై అత్యవసర సేవల సమాచారం తెలిపేందుకు క్యూఆర్​ కోడ్‌ బోర్డులు ఏర్పాటు చేస్తారు. వీటిని ప్రతి 10 కిలో మీటర్లకు ఒక చోట అమరుస్తున్నారు. ఇవి రాకపోకల సమయంలో ప్రయాణికులకు ఎంతో ఉపయోగకరంగా ఉంటాయి. మెదక్​, సంగారెడ్డి, సిద్దిపేట, వికారాబాద్​ జిల్లాల మీదుగా 6 జాతీయ రహదారులు వెళుతున్నాయి. టోల్ ​ప్లాజాలు, నగరాల ఎంట్రీ రోడ్లు, హైవే ప్రారంభం, పెట్రోల్​ బంక్‌లలో ఏర్పాటు చేయనున్నారు. క్యూఆర్​ కోడ్‌ను స్కాన్​ చేయగానే పూర్తి సమాచారం ఫోన్​ స్క్రీన్‌పై కనిపిస్తుంది. హైవేపై పాట్రోలింగ్​, సమీపంలోని ఆసుపత్రులు, పెట్రోల్​ బంకులు, వాష్‌రూమ్స్​, రెస్టారెంట్లు, పోలీస్‌ స్టేషన్ల నెంబర్లు తెలుస్తాయి. మనకు అవసరమైన అంశంపై క్లిక్​ చేస్తే సమాచారం తెలిసిపోతుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

వింత ఘటన.. గేదెకు ఒకే ఈతలో రెండు లేగ దూడలు

వివాహ వేదికపై పుష్-అప్‌లు ఇప్పుడిదో నయా ట్రెండ్‌

RBI: బంగారం కాకుండా ఈ లోహంతో లోన్ తీసుకోవచ్చా? ఎంత ఇస్తారు?

మీ పేరుతో ఇంకో సిమ్ యాక్టివేషన్.. తర్వాత విదేశాలకు అమ్మకం

Time Bank in Kerala: కేరళలో ‘టైమ్ బ్యాంక్‌’.. ఏం దాచుకుంటారంటే