AP News: పైకి చూస్తే లారీ అంతా పేపర్ బండిల్సే.. కానీ లోపల చెక్ చేయగా

ఎన్ని చట్టాలు వచ్చినా.. అధికారులు ఎంతలా నిఘా పెట్టినా.. అక్రమ దందా మాత్రం యదేచ్చగా సాగిపోతోంది. కేటుగాళ్లు క్రియేటివిటీకి పదునుపెట్టి మరీ.. సరుకు రాష్ట్రం దాటిస్తున్నారు. తాజాగా ఈ తరహ ఘటన ఒకటి ఆంధ్రప్రదేశ్‌లోని గుంటూరులో చోటు చేసుకుంది. కాజా టోల్ ప్లాజా వద్ద భారీగా ఎర్రచందనం దుంగలను పట్టుకున్నారు మంగళగిరి పోలీసులు. చెన్నై నుంచి విశాఖపట్నానికి వెళ్తున్న లారీలో పేపర్ బందిల్స్ మధ్య ఎర్రచందనం దుంగలు పెట్టి రవాణా చేస్తోంది ఈ మాఫియా. పోలీసులు ముందస్తు సమాచారం మేరకు టోల్ గేట్ వద్ద తనిఖీలు చేపట్టగా.. ఈ లోగుట్టంతా రట్టయింది. రెండున్నర టన్నుల ఎర్రచందనం దుంగలను స్వాధీనం చేసుకున్న పోలీసులు.. లారీని మంగళగిరి రూరల్ పీఎస్‌కి తరలించారు. పరారీలో ఉన్న ముఠా కోసం గాలింపు చర్యలు చేపట్టారు.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.