ఉద్యోగమే మీ గుర్తింపు కాదు.. మహిళ వీడియో వైరల్

న్యూయార్క్‌లోని గూగుల్ ఆఫీసు బయట నుపుర్ దావె అనే మహిళ పోస్ట్ చేసిన ఒక ఇన్‌స్టాగ్రామ్ వీడియో ప్రస్తుతం వైరల్ అవుతోంది. ఉద్యోగాన్నే తమ గుర్తింపుగా భావించే భారతీయుల తీరుపై ఆమె చేసిన విశ్లేషణ నెటిజన్లను ఆకట్టుకుంటూ, విస్తృత చర్చకు దారితీసింది. విదేశాల్లో ఉండే భారతీయులు ప్రధానంగా రెండు రకాలుగా ఉంటారని వివరించారు. మొదటి రకం వారు తమ ఉద్యోగాన్నే గుర్తింపుగా భావిస్తారని, పార్టీల్లో కలిసినప్పుడు “నేను గూగుల్ ఎల్5 పీఎమ్” అంటూ తమ హోదా, జీతం, అనుభవం వంటి వివరాలు చెప్పి సంభాషణ మొదలుపెడతారని తెలిపారు. రెండో రకం వారు ఉద్యోగాన్ని జీవితంలో ఒక భాగంగా మాత్రమే చూస్తారని, సల్సా నేర్చుకోవడం, స్టార్టప్‌లకు సలహాలు ఇవ్వడం వంటి ఇతర వ్యాపకాలపై దృష్టి పెడతారని తెలిపారు. భారతీయ కుటుంబాల్లో ఉద్యోగం టైటిల్‌కు లభించే గుర్తింపు, గౌరవం కారణంగా చాలామంది మొదటి రకం మార్గాన్ని ఎంచుకుంటారని ఆమె విశ్లేషించారు. అయితే, ఇలాంటి వారు లేఆఫ్‌లు లేదా ప్రతికూల పనితీరు సమీక్షల సమయంలో మానసికంగా కుప్పకూలిపోతారని, ఎందుకంటే వారి ఆత్మవిశ్వాసం పూర్తిగా ఉద్యోగంపైనే ఆధారపడి ఉంటుందని హెచ్చరించారు. దీనికి విరుద్ధంగా, రెండో రకం వారు మరింత దృఢంగా ఉంటారని, ఉద్యోగం కోల్పోయినా వారి గుర్తింపు పూర్తిగా దెబ్బతినదని స్పష్టం చేశారు. “మీ పోర్ట్‌ఫోలియో లాగే మీ గుర్తింపును కూడా డైవర్సిఫై చేసుకోండి. మీ ఉద్యోగం మీరు చేసే పని మాత్రమే, మీరు ఎవరో నిర్ణయించేది కాదు” అని ఆమె తన సందేశం ముగించారు. భారతీయ సంస్కృతిలో కుటుంబ గౌరవం, బంధువుల మెప్పు వంటి అంశాలు ఈ ఒత్తిడికి కారణమవుతున్నాయని ఆమె అభిప్రాయపడ్డారు. ఈ వీడియోపై స్పందిస్తున్న పలువురు నెటిజన్లు, ఇది విదేశాల్లోని భారతీయుల వాస్తవ పరిస్థితికి అద్దం పడుతోందని కామెంట్లు చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Bermuda Triangle: 3 కోట్ల ఏళ్ల బెర్ముడా దీవి మిస్టరీని.. ఛేదించిన శాస్త్రవేత్తలు

అక్కడ ఎండలు.. ఇక్కడ వర్షాలు.. తెలుగు రాష్ట్రాల్లో వాతావరణం ఎలా ఉంటుంది..? 3 రోజుల వెదర్ రిపోర్ట్

సముద్రం అడుగున పైప్‌లైన్.. గ్యాస్ కష్టాలకు చెక్ పడేనా

కోమా నుంచి మేల్కొన్న యువతి.. లేని పిల్లల కోసం ఆరాటం

500 బ్రెడ్‌లతో భారీ డ్రెస్.. బేకరీ ప్రమోషన్ కోసం నటి వినూత్న ప్రయోగం