Vizag: వాష్‌రూమ్ డోర్ ఓపెన్ చేయగానే ఊహించని సీన్.. ఒక్కసారిగా భారీ శబ్దాలతో..

విశాఖ మల్కాపురం జయేంద్ర కాలనీలో శాంతి అనే మహిళ తన భర్త, కుటుంబసభ్యులతో పాటు నివాసముంటోంది. ఆమె ఇటీవల కుటుంబ సభ్యులతో సహా క్యాంప్‌కు వెళ్లింది. ఇంటికి తాళాలు వేసుకుని బయలుదేరారు. మూడు రోజుల తర్వాత తిరిగి వచ్చారు. తలుపు తాళం తీసి లోపలికి వెళ్లి.. సామాన్లు అన్ని సర్దేసింది. ఆ తర్వాత కాళ్లు, చేతులు కడుక్కునేందుకు వాష్ రూమ్ వైపు వెళ్లింది. తలుపు తీయగానే.. ఏదో అక్కడ ఉన్నట్టు గుర్తించింది. చీకటిలో తాడులా కనిపించినా.. కాస్త కళ్లు తడుముకుని చూసేసరికి భారీ కొండచిలువ కనిపించింది. తిష్ట వేసుకుని కూర్చుని శబ్దాలు చేస్తోంది. దీంతో ఆ భారీ కొండచిలువను చూసి అరుపులు, కేకలు పెడుతూ బయటకు పరుగులు తీసింది సదరు మహిళ.

ఇక ఆమె కుటుంబ సభ్యులు వచ్చి చూసేసరికి.. లోపల భారీ కొండచిలువ కనిపించింది. వెంటనే గుండెలు పట్టుకుని.. స్నేక్ క్యాచర్ నాగరాజుకు సమాచారం అందించారు. రంగంలోకి దిగిన నాగరాజు అండ్ టీం.. భారీ కొండచిలువను చాకచక్యంగా పట్టుకున్నారు. కొండచిలువ 9 అడుగులు ఉండటాన్ని చూసి స్థానికుల గుండె ఆగినంత పనైంది. ఆ కొండచిలువను బంధించడంతో అంతా ఊపిరి పీల్చుకున్నారు.