రూ. 7 కోట్లతో తీస్తే.. 90 కోట్ల కలెక్షన్స్.. ఛావా రికార్డ్ బ్రేక్

ఈ సినిమా మరేదో కాదు.. తమిళంలో సూపర్ హిట్ అయిన టూరిస్ట్ ఫ్యామిలీ అనే మూవీ. టూరిస్ట్ ఫ్యామిలీ బడ్జెట్ కేవలం 7 కోట్ల రూపాయలు మాత్రమే. అభిషాన్ జీవిత్ దర్శకత్వం వహించిన ఈ చిత్రం ప్రపంచవ్యాప్తంగా రూ. 90 కోట్లు వసూలు చేసి.. లాభాల పరంగా నంబర్ 1గా నిలిచింది. కామెడీ డ్రామాగా వచ్చిన ఈ సినిమాలో మిథున్ జై శంకర్, కమలేష్ జగన్, ఎం. శశికుమార్ వంటి అనేక మంది తారలు ప్రధాన పాత్రల్లో నటించారు. ఈ చిత్రం 29 ఏప్రిల్ 2025న థియేటర్లలో విడుదలైంది. మొదటి వారంలో 23 కోట్ల రూపాయలు వసూలు చేసింది. ఆ తర్వాత పాజిటివ్ మౌత్ టాక్ ఉండడంతో అద్భుతమైన వ్యాపారం చేసింది. భారతదేశంలో 62 కోట్ల రూపాయలు, ప్రపంచవ్యాప్తంగా 90 కోట్ల రూపాయలు వసూలు చేసింది. ఈ ఏడాది అతి తక్కువ సమయంలోనే అత్యధిక వసూళ్లు సాధించిన చిత్రంగా నిలిచిన ఛావా సినిమా.. ఏకంగా రూ. 808 కోట్ల వ్యాపారం చేసింది. అయితే, దీని బడ్జెట్ 90 కోట్ల రూపాయలు. అంటే.. దీని లాభం 800 శాతం కాగా, టూరిస్ట్ ఫ్యామిలీ లాభం 1200 శాతం. దీని ప్రకారం ఇది అత్యంత లాభాలు రాబట్టిన చిత్రంగా రికార్డ్ సృష్టించింది.

మరిన్ని వీడియోల కోసం ఇక్కడ క్లిక్ చేయండి

Also Watch:

మనిషైనా..జంతువైనా.. ఆ విషయం లో భార్యకు వణకాల్సిందే