Viral: స్పెయిన్ నుంచి వచ్చిన కంటైనర్.. ఏముందా అని చూడగా దెబ్బకు ఖంగుతిన్నారు!

సముద్రమార్గం గుండా నిత్యావసర వస్తువులు, సరుకులు, ఎన్నో రకాల పార్శిల్‌లు తరచూ ఒక దేశం నుంచి మరో దేశానికి రవాణా అవుతుంటాయి. అందుకే షిప్పింగ్ యార్డ్స్‌లో లోడింగ్.. అన్‌లోడింగ్.. ఎప్పుడూ జరుగుతూనే ఉంటుంది. ఈ క్రమంలోనే అక్కడ పని చేసే కొంతమంది సిబ్బంది.. ఇటీవల ఆ పోర్టుకు చేరుకున్న స్పెయిన్ షిప్‌లోని ఓ కంటైనర్‌ను ఓపెన్ చేసి చూశారు. ఇక అందులోని దృశ్యాలను చూసి వారు ఒక్కసారిగా ఖంగుతిన్నారు. ఆ తర్వాత ఏం జరిగిందన్నది ఇప్పుడు చూద్దాం..

వివరాల్లోకి వెళ్తే.. ఫ్లోరిడాలోని పనామా సిటీ పోర్టుకు స్పెయిన్ నుంచి ఓ కంటైనర్ షిప్ వచ్చింది. సరుకు ఏది వచ్చిందా అని.. ఆ షిప్‌లోని ఓ కంటైనర్ ఓపెన్ చేసి చూశారు. అందులోని దృశ్యాలు చూసి దెబ్బకు ఖంగుతిన్నారు. వారికి అక్కడ చిక్కిశల్యమైన ఏడాదిన్నర వయసున్న ఓ కుక్కపిల్ల కనిపించింది. అది చాలా రోజులుగా తిండి, నీళ్లు లేకుండా అక్కడే గడిపినట్లు భావించిన సిబ్బంది.. వెంటనే స్థానికంగా ఉండే ఓ జంతువైద్యుడి దగ్గరకు తీసుకెళ్లారు. 40 రోజుల పాటు తిండి, నీళ్లు లేకుండా ఆ కుక్క కంటైనర్‌లో ఉందని డాక్టర్ తెలిపారు. అనంతరం దాన్ని నయం చేసేందుకు ట్రీట్మెంట్ ఇచ్చాడు. కాగా, ఈ ఘటన జనవరిలో ఫ్లోరిడాలో చోటు చేసుకోగా.. ప్రస్తుతం ఆ కుక్క సంపూర్ణ ఆరోగ్యంతో ఉంది. దానికి మిలాగ్రస్ అని పేరు కూడా పెట్టారు. అంతేకాకుండా మినిస్ట్రీ ఆఫ్ అగ్రికల్చరల్ డెవలప్మెంట్‌లో ఉద్యోగం కూడా పొందింది.(Source)