Watch: మెట్రోలో సీటు కోసం మహిళల పోరు.. చెప్పులతో యుద్ధం చేశారు.. వీడియో వైరల్
ఈ గొడవ మధ్యలో ఇద్దరూ ఒకరినొకరు చంపేస్తానంటూ బెదిరించుకుంటున్నారు. ఈ సమయంలో, మరొక మహిళ ఆమెను శాంతింపజేయడానికి ప్రయత్నిస్తుంది. వారిలో ఒకరు మెట్రో సిబ్బందికి కంప్లైట్‌ చేయడం కనిపిస్తుంది. ఈ గొడవ అచ్చంగా పాత సినిమాలో నీళ్ల కోసం కొట్టుకునే సీన్
Updated on: Mar 31, 2023 | 3:09 PM
నేటి కాలంలో ఢిల్లీ, ముంబై వంటి నగరాల్లోని ప్రజలకు మెట్రోలో ప్రయాణించడం సర్వసాధారణమైపోయింది. కానీ ఒకప్పుడు ప్రజలు బస్సు లేదా ఆటో-టాక్సీలో కార్యాలయానికి చేరుకునేవారు. కానీ, అప్పటి నుండి నేటి తరం వరకు కూడా ఒక విషయం ఇప్పటికీ ప్రజల్లో అలాగే కొనసాగుతోంది. అదేంటంటే.. సీటు కోసం పోరు… మెట్రో లేనప్పుడు కూడా ఇదే పెద్ద సమస్యగా ఉండేది. ఈరోజు మెట్రో ఉన్నప్పటికీ ఈ సమస్య ఇంకా అలాగే ఉంది. దీని కోసం చాలాసార్లు ఒకరితో ఒకరు గొడవకు దిగుతున్నారు. ఈ సారి కూడా అలాంటి వీడియో ఒకటి వెలుగులోకి వచ్చింది. ఇందులో ఇద్దరు మహిళలు సీటు కోసం హోరాహోరీ పోరాడుతున్నారు.
మీరు మెట్రోలో ప్రయాణించినట్లయితే మీరు ఒక విషయం గమనించాలి. ఉదయం, సాయంత్రం మెట్రోలో ప్రయాణించేటప్పుడు కూర్చోవడం పక్కన పెడితే, ప్రజలు కనీసం లోపలికి ప్రవేశించడానికి కూడా స్థలం ఉండదు. అలాంటి టైమ్‌లో ఒక స్టేషన్‌లో మెట్రో డోర్‌ తెరుచుకోగానే సీటు కోసం జనం పరుగులు తీయటం ఇప్పుడు వైరల్ అవుతున్న వీడియోలో చూడొచ్చు. అంతలోనే ఇద్దరు మహిళలు పోట్లాడుకుంటున్నారు. సీటు కోసం ఇద్దరు మహిళల మధ్య ఈ గొడవ జరుగుతోందని ఈ క్లిప్‌పై వైరల్ ప్రచారం జరుగుతోంది.
ఈ ఒక్క నిమిషం నిడివిగల వీడియోలో ఓ మహిళ తన చెప్పులు చేతిలోకి తీసుకుని మరో మహిళ మీదకు దూసుకెళ్లింది. పట్టరాని కోపంతో ఆమె ఎదుటి మహిళపై దాడి చేసింది. ఎదురుగా ఉన్న మహిళ కూడా తన చేతిలో స్టీల్ బాటిల్‌తో ఎదురు తిరిగింది. ఈ గొడవ మధ్యలో ఇద్దరూ ఒకరినొకరు చంపేస్తానంటూ బెదిరించుకుంటున్నారు. ఈ సమయంలో, మరొక మహిళ ఆమెను శాంతింపజేయడానికి ప్రయత్నిస్తుంది. వారిలో ఒకరు మెట్రో సిబ్బందికి కంప్లైట్‌ చేయడం కనిపిస్తుంది. ఈ గొడవ అచ్చంగా పాత సినిమాలో నీళ్ల కోసం కొట్టుకునే సీన్ ను తలపించింది.
Kalesh B/w Two Women inside Metro Over Seat issue:pic.twitter.com/btWGrYhHJ1
— Ghar Ke Kalesh (@gharkekalesh) March 29, 2023
ఈ వీడియోను ట్విట్టర్‌లో షేర్ చేశారు. కాగా, 1.5 లక్షల మందికి పైగా ఈ వీడియోను చూశారు. వీడియో చూసిన చాలా మంది నెటిజన్లు వారి వారి కామెంట్లు షేర్ చేశారు. వీడియోపై వ్యాఖ్యానిస్తూ, “మెట్రోలో ప్రయాణిస్తున్నప్పుడు ‘రొమాన్స్’ మరియు ‘రొమాంచ్’ రెండూ ఇప్పుడు కనిపిస్తున్నాయి” అంటూ ఒక వినియోగదారు రాశారు. అదే సమయంలో, సీటు కోసం ఇంతలా పోరాడతారా..? అక్కా..! అంటూ మరోకరు కామెంట్‌ చేశారు. మొత్తానికి సోషల్ మీడియాలో వీడియో విపరీతంగా వైరల్ అవుతోంది.
మరిన్ని ట్రెండింగ్ న్యూస్..
