Viral: అరె ఏంట్రా ఇది! నడిరోడ్డుపై లవర్స్ బరితెగింపు.. పబ్లిక్‌గా హాగ్‌లు, ముద్దులు.. సీన్ కట్ చేస్తే!

ఇదేదో ఫ్యాషన్, ట్రెండ్ అన్నట్లుగా ఇటీవల కొంతమంది లవర్స్ పబ్లిక్‌గా రెచ్చిపోతున్నారు. హద్దుమీరు ముద్దులు, అసభ్యకరమైన చేష్టలతో నడ్డిరోడ్డుపై న్యూసెన్స్ క్రియేట్ చేస్తున్నారు. ఇలాంటి ఘటనలు ఈ మధ్యకాలంలో జార్ఖండ్, ఉత్తరప్రదేశ్, ఛతీస్‌గడ్ లాంటి ప్రాంతాల్లో చోటు చేసుకున్న విషయం తెలిసిందే. ఆ వీడియోలు సోషల్ మీడియాలో కూడా వైరల్ అయ్యాయి. ఇక ఇప్పుడు తాజాగా అలాంటి ఘటనే మరొకటి రాజస్థాన్‌లో వెలుగు చూసింది.

అజ్మీర్‌లోని రీజనల్ కాలేజీ క్రాస్ రోడ్స్‌లో ఓ ప్రేమ జంట నడ్డిరోడ్డుపై స్పీడు‌గా బైక్‌పై దూసుకుపోతూ.. రొమాన్స్ చేస్తూ.. కెమెరాలకు చిక్కారు. ఈ ఘటన సోమవారం రాత్రి వేళలో చోటు చేసుకోగా.. అటుగా వెళ్తున్న వాహనదారులు వారిని వీడియో తీశారు. ఆ వీడియోలో ఓ యువకుడు బైక్ ఫ్యూయల్ ట్యాంక్‌పై అమ్మాయిని అసభ్యకర రీతిలో కూర్చోబెట్టుకుని బైక్‌‌పై రయ్.. రయ్‌మంటూ వేగంగా దూసుకుపోతున్నాడు. ఇక ఆ యువతి.. యువకుడిని హాగ్ చేసుకుని, ముద్దు పెట్టుకుంటుంది. ప్రస్తుతం ఈ వీడియో సోషల్ మీడియాలో వైరల్ అవుతోంది. దీనిపై నెటిజన్లు తీవ్రంగా మండిపడుతున్నారు.. పోలీసులకు ట్యాగ్ చేసి ఆ వీడియోను తెగ షేర్ చేస్తున్నారు.

కాగా, ఈ ఘటనపై స్పందించిన అజ్మీర్ పోలీసులు.. సీసీ కెమెరా విజువల్స్ ఆధారంగా బైక్ నడిపిన వ్యక్తిని అదుపులోకి తీసుకుని.. వాహనాన్ని స్వాధీనం చేసుకున్నామని తెలిపారు. సదరు వ్యక్తిని సాహిల్‌గా గుర్తించామని.. కేసు నమోదు చేసి దర్యాప్తు చేస్తున్నామని చెప్పారు.

अजमेर के पुष्कर रोड पर बाइक पर आशिकी, वीडियो वायरल#ajmer #ajmerviralvideo @AjmerpoliceR pic.twitter.com/aQCiumXilZ

— Jyoti Sharma (@JyotiSh61024918) February 7, 2023