Viral Video: మామూలు రైడర్‌ కాదు బయ్యో..పెనాల్టీ వేసినా తగ్గేదేలె… స్టంట్స్‌ మహిళా బైకర్‌ను ఆటాడుకుంటున్న నెటిజన్స్‌

రోడ్డు మీద బైక్‌లతో విన్యాసాలు చేయడం ఏమాత్రం సురక్షితం కాదు, అది చట్టవిరుద్ధం కూడా. పోలీసులు వార్నింగ్‌లు, ఫైన్‌లను కూడా బేఖాతర్‌ చేసే కొంత మంది తమ ప్రాణాలతోనే కాకుండా ఇతరుల ప్రాణాలతో కూడా చెలగాటమాడుతుంటారు. సోషల్‌ మీడియాలో ఫేమస్‌ కావడానికి రకరకాల స్టంట్స్‌ వేస్తుంటారు. అలాంటి వీడియోలు కుప్పలు తెప్పలుగా నెట్టింట్ల దర్శనమిస్తుంటాయి. అలాంటి వీడియోనే ఒకటి తాజాగా చక్కర్లు కొడుతోంది.

పోలీసులు భారీ జరిమానా విధించినప్పటికీ ఓ మహిళా రైడర్‌ మాత్రం స్టంట్‌ చేయడం ఆపడం లేదు. ఇటీవల ఒక మహిళా స్టంట్ రైడర్ వీడియో ఆన్‌లైన్‌లో కనిపించిన తర్వాత అలాంటి పరిస్థితి ముఖ్యాంశాలుగా మారింది. రోడ్డుపై ప్రమాదకరమైన చర్యలకు పాల్పడినందుకు రైడర్‌కు రూ.20,000 జరిమానా విధించారు పోలీసులు. అయితే, తన తప్పుల నుండి నేర్చుకునే అవకాశంగా దీనిని తీసుకోకుండా, రైడర్ తాను స్టంట్ చేస్తూనే ఉంటానని పేర్కొంది.

వీడియోలో మహిళా రైడర్ ప్రారంభంలో తనను ‘ద్వేషించేవారికి’ ఇది ఒక షాకింగ్‌ అంటూ సంక్షిప్త పరిచయం ఇచ్చింది. తర్వాత ఆమె తాజా చలాన్ యొక్క స్క్రీన్‌షాట్‌ను పంచుకుంది. చలాన్ చదివిన తర్వాత ఆమెను ద్వేషించేవారు ఎలా ఉన్నారో ప్రస్తావించడం ప్రారంభించింది. చలాన్ రూ.20,000 లేదా రూ.40,000 అయినా వెనక్కి తగ్గేది లేదని మహిళా రైడర్ స్టంట్ వీడియోలను పోస్ట్ చేస్తూనే ఉంది

వీడియో చూడండి:

View this post on Instagram

A post shared by RIDER GIRL👿👿 (@__vaishu_yadav__24)

ఆగస్టు 1న ఈ క్లిప్ పోస్ట్ చేసింది. ఆమె బ్లాక్ ర్యాప్ అల్లాయ్ వీల్స్‌తో మోడిఫైడ్ హీరో స్ప్లెండర్ మోటార్‌సైకిల్‌ను నడుపుతూ పబ్లిక్ హైవేలపై స్టంట్ చేస్తుంది. చాలా వీడియోలలో, ఆమె బైక్ కదులుతున్నప్పుడు దానిపై నిలబడి షారుఖ్ ఖాన్ లాగా తన చేతులను ఆడిస్తుంది. హ్యాండిల్ పట్టుకోకుండా బైక్ నడుపుతూ వివిధ పాటలకు ఆమె డ్యాన్స్‌ చేస్తోంది.