Viral News: ఆహారాన్ని లాగిస్తున్న సింహం.. ఇంతలో అనుకోని షాక్.. అసలు ఏం జరిగిందంటే.!

సింహాన్ని అడవికి రాజు అని పిలుస్తారు. ఎందుకంటే సింహం వేటలో ఓ ప్రత్యేకమైన వ్యూహం ఉంటుంది.....

Lion

Ravi Kiran |
Updated on: Apr 26, 2021 | 10:11 AM

సింహాన్ని అడవికి రాజు అని పిలుస్తారు. ఎందుకంటే సింహం వేటలో ఓ ప్రత్యేకమైన వ్యూహం ఉంటుంది. అలాగే అది గర్జిస్తే చాలు వేరే జంతువులు వణికిపోతాయి. ఈ లక్షణాల వల్ల సింహానికి ‘కింగ్ ఆఫ్ ది జంగిల్’ అనే బిరుదు లభించింది. ఇదిలా ఉంటే అడవిలో కొన్ని స్వతంత్ర నియమాలు ఉన్నాయన్న సంగతి తెలిసిందే.

అడవికి రాజు అయినా, లేదా మరేదైనా జంతువు అయినా.. ఈ నియమాలు అందరికీ సమానమే. తమ ఆకలిని తీర్చుకునేందుకు ఎర కోసం శతవిధాలా ప్రయత్నించవచ్చు. మృగరాజు దగ్గర నుంచి కొంత భాగం ఆహారాన్ని తీసుకోవాలని చూసిన ఓ చిన్న జంతువుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది.

ఇందులో సింహం ఒక జంతువును వేటాడి, తన ఆహారాన్ని తింటూ ఉండటం వీడియోలో మీరు చూడవచ్చు. అప్పుడు ఒక చిన్న జంతువు దాని వద్దకు వస్తుంది. ఆ జంతువు ముంగీస మాదిరిగా ఉంటుంది. ఎర కోసం సింహం తోక పట్టుకుని లాగుదామని ప్రయత్నించినా.. ప్రయోజనం ఏం లేకపోయింది. కేవలం నాలుగు సెకన్ల ఈ వీడియో సోషల్చూ మీడియాలో ప్రస్తుతం వైరల్ గా మారింది. ఈ ఫన్నీ వీడియోను ఇండియన్ ఫారెస్ట్ సర్వీస్ ఆఫీసర్ ప్రవీణ్ అంగూసామి తన ట్విట్టర్ లో షేర్ చేశాడు.