Duck Viral Video: పార్క్‌లో పసిపిల్లలను మరిపించిన బాతు.. దాని ఆట చూస్తే అదుర్స్ అనాల్సిందే..

Duck Viral Video: సోషల్ మీడియా పూర్తి స్థాయిలో అందుబాటులోకి వచ్చాక ప్రపంచమే ఒక కుగ్రామంలా మారిపోయింది. ఖండాంతరాలలో ఏ మూలన ఏం జరిగినా జనాలకు ఇట్టే సమాచారం అందుతోంది.

Duck

Shiva Prajapati |
Updated on: Nov 01, 2021 | 5:22 PM

Duck Viral Video: సోషల్ మీడియా పూర్తి స్థాయిలో అందుబాటులోకి వచ్చాక ప్రపంచమే ఒక కుగ్రామంలా మారిపోయింది. ఖండాంతరాలలో ఏ మూలన ఏం జరిగినా జనాలకు ఇట్టే సమాచారం అందుతోంది. ఫేస్‌బుక్ రీల్స్, ఇన్‌స్టాగ్రమ్, యూట్యూబ్ వంటి వీడియో షేరింగ్ సాధనాలు అందుబాటులోకి వచ్చాక.. అనేక రకాల వీడియోలు వైరల్ అవుతున్నాయి. ముఖ్యంగా.. జంతువులు, పక్షులకు సంబంధించిన వీడియో సోషల్ మీడియాలో ఏ రేంజ్‌లో హల్ చల్ చేస్తున్నాయో మనందరికీ తెలిసిందే. ఇలాంటి వీడియోలు చూడటం ద్వారా ఒత్తిడి నుంచి ఉపశమనం పొందవచ్చు. అయితే, తాజాగా ఓ బాతుకు సంబంధించిన ఆసక్తికరమైన వీడియో ఒకటి సోషల్ మీడియాలో వైరల్ అవుతోంది. అది చూస్తే మీరు ఖచ్చితంగా వాట్ ఏ డక్ అంటారు.

ప్లే స్కూళ్లలో, పార్కులలో చిన్న పిల్లల కోసం ప్రత్యేకంగా ఆడుకునేందుకు కొన్ని పరికరాలు ఉంటాయి. జారుడు బండ, రంగుల రాట్నం లాంటి చిన్న చక్రాలు, ఊయల వంటివి ఉంటాయనే విషయం తెలిసిందే. పిల్లలు వాటితో సరదాగా ఆడుకుంటూ కాలక్షేపం చేస్తుంటారు. ఒక్కోసారి పెద్దలు కూడా పిల్లల్లా మారిపోయి వారితో పాటు కలిసి ఆడుతారు. అది వేరే విషయం అనుకోండి. తాజాగా ఓ బాతు.. పిల్లలను మరిపించేలా పార్క్‌లో తెగ సందడి చేసింది. చిన్న పిల్లలు ఎలాగైతే ఆడుకుంటారో.. అలా సరదాగా ఆడుకుంటూ ఔరా అనిపించింది. జారుడు బండపై నుంచి జారుతూ ఎంజాయ్ చేసింది. అది చూసి పార్క్‌కు వచ్చిన పబ్లిక్ కూడా సంబరపడిపోయారు. జారుడు బండపై నుంచి బాతు జారుతుండగా.. పలువురు వీడియో తీశారు. ఆ వీడియోను ఇన్‌స్టాగ్రమ్‌లో సెడక్టివ్ అనే అకౌంట్‌లో షేర్ చేయగా.. అది కాస్తా వైరల్‌గా మారింది. ఈ వీడియోను లక్షలాది మంది వీక్షించగా.. 25 వేలకు పైగా నెటిజన్లు లైక్స్ కొట్టారు.

బాతు వీడియోను చూసిన నెటిజన్లు చాలా ఫన్నీగా స్పందిస్తున్నారు. ఆ మేరకు కామెంట్స్ పెడుతున్నారు. ‘దానితో ప్రేమలో పడ్డాను’, ‘ఈ సంవత్సరంలో నేను చూసిన అత్యుత్తమ వీడియో ఇదే.’, ‘దానికి వాటర్ స్వింగ్ కావాలి.’ అంటూ ఇలా ఒక్కొక్కరు ఒక్కోలా కామెంట్స్ పెడుతున్నారు.

Viral Video: