Viral Video: మానవత్వం అంటే ఇదే కదా.. వృద్ధురాలి కోసం కారు దిగి కదిలొచ్చిన యువకుడు..
హృదయానికి హత్తుకునే దృశ్యాన్ని కెమెరాలో బంధించారు. ఆ సీన్‌ ఇప్పుడు సోషల్ మీడియాలో హల్‌చల్‌ చేస్తోంది. నెటిజన్లను ఆలోచింప జేస్తోంది.
Updated on: Jul 13, 2022 | 10:57 AM
మనుషుల్లో మానవత్వం నశించిపోతున్న రోజులివి.. సాయం చేసే చేతులు ఈ రోజుల్లో కరువు అయ్యాయనే సంఘటనలు అనేకం తరచూ సోషల్ మీడియా ద్వారా ప్రపంచం ముందు బయటపడుతూనే ఉన్నాయి. ఎదుటివారికి సాయం చేయాలనే మనసున్న మనుషుల కోసం అక్కడక్కడా వేతుక్కోవాల్సి వస్తుంది. ఈ రోజుల్లో స్వార్థం తప్పా.. పక్కవాళ్ల గురించి ఆలోచించే వారు తక్కువగానే కనిపిస్తారు. ఇలాంటి రోజుల్లో ఇలాంటి ఆశాజనక దృశ్యాలు ఈ భూమ్మీద ఇంకా మంచితనం, మానవత్వం మిగిలే ఉందని నమ్మేలా చేస్తాయి. అలాంటిదే హృదయానికి హత్తుకునే దృశ్యాన్ని కెమెరాలో బంధించారు. ఆ సీన్‌ ఇప్పుడు సోషల్ మీడియాలో హల్‌చల్‌ చేస్తోంది. నెటిజన్లను ఆలోచింప జేస్తోంది.
వైరల్‌ అవుతున్న వీడియోలో ఓ వృద్ధురాలిని రోడ్డు దాటించేందుకు ఓ వ్యక్తి ముందుకు వచ్చాడు. అది ట్రాఫిక్‌తో రద్దీగా ఉన్న హైవేలా కనిపిస్తుంది. ట్రాఫిక్ సిగ్నల్ వద్ద కారులో ఆగివున్న ఓ వ్యక్తి రోడ్డు దాటలేక అవస్థ పడుతున్న వృద్ధురాలిని చూశాడు.. దాంతో అతడు ఆమెకు సాయం చేయాలని భావించాడు. అతడు తన కారులోంచి దిగి ముందుకు వచ్చాడు..ఆ పెద్దావిడను జాగ్రత్తగా పట్టుకుని నెమ్మదిగా రోడ్డు దాటిస్తున్నాడు. ఆ దృశ్యాలు వీడియోలో మనం చూడొచ్చు.
View this post on Instagram
ఇదంతా రిలే అనే మహిళ కెమెరాలో బంధించింది. అనంతరం ఆమె ఈ వీడియోని రిలే సవన్నా ఇన్‌స్టాగ్రామ్ ఖాతాలో పోస్ట్ చేసింది.. గుడ్ న్యూస్ మూవ్‌మెంట్ ద్వారా ఫుటేజ్ మళ్లీ షేర్ చేయబడింది. దీంతో వీడియో మళ్లీ ట్రెండింగ్‌లోకి వచ్చింది. ఈ వీడియో సోషల్ మీడియాలో పెద్ద ఎత్తున ప్రశంసలు అందుకుంటోంది. మానవత్వం ఇంకా మనుగడలో ఉందనడానికి ఈ దృశ్యాలు నిదర్శనమంటూ పలువురు నెటిజన్లు కొనియాడారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
