Viral Video: తన మానాన తాను ఈదుతూ వెళ్తున్న పాముతో ఎకశకాలు.. చివర్లో ఊహించని ట్విస్ట్

Trending Video: పామును చూసి నూటికి 90 శాతం మంది భయపడతారు. పాము బొమ్మలు చూసి కూడా జడుచుకునే వాళ్లు ఉంటారు. అయితే అన్ని పాములు హానికరం కావు. కొన్ని పాములు విషం లేకుండా ఉంటాయి. ఇంకొన్ని పాములు ఎలుకల్ని వేటాడుతూ వరి, గోధుమ రైతులకు మేలు చేకూరుస్తాయి. ఏ పాము అయినా సరే.. తన ప్రాణాలకు ముప్పు అని భావిస్తేనే కాటు వేస్తుంది. అయితే పాముతో పరాచకాలు ఆడితే మాత్రం చాలా డేంజర్. తాజాగా అలాంటి ఓ వీడియో నెట్టింట ట్రెండ్ అవుతుంది. కొందరు వ్యక్తులు సముద్రతీరంలో నీటిలో సేదతీరుతున్నారు. ఇంతలో ఓ పాము వేగంగా ఈదుకుంటూ అటుగా వచ్చింది. తన మానాన తాను వెళ్తున్న ఆ పామును ఓ వ్యక్తి పట్టేశాడు. దాన్ని నీటిలో కాసేపు అటూ.. ఇటూ ముంచాడు. దీంతో ఆ పాముకు కోపం వచ్చి.. పడగ విప్పబోతుండగా.. దాన్ని అమాంతం దూరంగా విసిరేశాడు. ఇక్కడే అసలు చిక్కొచ్చిపడింది. ఆ పాము ఓ ట్యూబ్‌పై నీటిలో ప్రయాణిస్తున్న ఇద్దరు వ్యక్తులపై పడింది. దీంతో వారు ఒక్కసారిగా కంగుతిన్నారు. ఒక్క ఉదుటన పక్కకి దూకేసి ఆ పాము భారి నుంచి తప్పించుకున్నారు. ఈ వీడియోను ఐపిఎస్ అధికారి దీపాంషు కబ్రా ట్విట్టర్‌లో షేర్ చేశారు, “లక్ష్యమే కాదు, గురి కూడా సరిగ్గా ఉండాలి” అని క్యాప్షన్ రాశారు. ప్రజంట్ ఈ వీడియో నెట్టింట వైరల్ అవుతుంది. నెటిజన్లు రకరకాల కామెంట్స్ చేస్తూ వైరల్ చేస్తున్నారు.

వీడియో దిగువన చూడండి…

नियत ही नहीं, निशाना भी ठीक होना चाहिए.? pic.twitter.com/ouwnDB60i0

— Dipanshu Kabra (@ipskabra) July 28, 2022

మరిన్ని ట్రెండింగ్ న్యూస్ కోసం ఇక్కడ క్లిక్ చేయండి