Watch Video: ఈ చిలుక మామూల్దికాదండోయ్‌.. పేపర్ ట్రిక్స్‌ ఎలా చేస్తుందో మీరే చూడండి..
తాజాగా బులుగు రంగులో ఉన్న ఓ రామ చిలుక ముద్దుముద్దుగా మాట్లాడటమేకాకుండా చిన్నచిన్న పేపర్ ట్రిక్స్‌ కూడా చేస్తుంది. దీనిని సంబంధించిన వీడియో ప్రస్తుతం నెట్టింట వైలర్‌ అవుతోంది. మీరు ఓ లుక్కేసుకోండి..
మన దేశంలో చిలుకలు సాధారణంగా పచ్చరంగులో కనిపిస్తాయి. గుళ్లు, గోపురాలు, పార్కులు, అడవులు, పొలాల్లో వీటిని చూస్తుంటాం. కొంతమంది వీటిని పెంచుకుంటారు కూడా. పెంపుడు చిలుకలు ముద్దుముద్దుగా మాట్లాడుతూ మనం చెప్పిన మాటలను తిరిగి అలాగే పలుకుతూ అల్లరి చేస్తూ ఉంటాయి. నిజానికి మనుషుల భాషను అర్ధం చేసుకునే సామర్ధ్యం చిలుకలకు ఉంటుంది. అందుకే మనం మాట్లాడే పదాలను తిరిగి అప్పజెప్పడం, మనుషుల మాదిరి శబ్ధాలు చేయడం వంటివి చేస్తుంటాయి. విత్తనాలు, పండ్లు, కాయలు, పువ్వులు, మొగ్గలు వంటి మొక్కల ఆధారిత ఆహారాలు తింటుంటాయి. చిలుకల సగటు జీవితకాలం 50 ఏళ్లు. ఇవి ప్రపంచంలోని అన్ని ఉష్ణమండల, శీతల ఖండాలలో కనిపిస్తాయి. ఐతే ప్రపంచంలోని వివిధ ప్రాంతాల్లోని చిలుకలు పచ్చరంగులో మాత్రమేకాకుండా బులుగు, ఎరుపు, పసుపు, తెలుపు రంగుల్లో కూడా కనిపిస్తుంటాయి. తాజాగా బులుగు రంగులో ఉన్న ఓ రామ చిలుక ముద్దుముద్దుగా మాట్లాడటమేకాకుండా చిన్నచిన్న పేపర్ ట్రిక్స్‌ కూడా చేస్తుంది. దీనిని సంబంధించిన వీడియో ప్రస్తుతం నెట్టింట వైలర్‌ అవుతోంది. మీరు ఓ లుక్కేసుకోండి..
ఈ వీడియోలో కనిపిస్తున్న చిలుక తన ముందున్న దలసరి పేపర్‌ను ముక్కుతో కొరికి ముక్కలు చేయడం కనిపిస్తుంది. అనంతరం పొడవుగా కట్‌ చేసిన పేపర్ ముక్కలను తన రెక్కల్లో దూర్చుకుని పొడవాటి ఈకలు మాదిరి పెట్టుకోవడం చూడొచ్చు. తనకున్న ఈకలతో పాటు మరిన్ని పేపర్ ఈకలను తయారు చేసుకోవడం కనిపిస్తుంది. ఎవరో ట్రైనింగ్‌ ఇచ్చి నేర్పించినట్టు చక్కగా చేసుకుపోవడం చూస్తుంటే ముచ్చటేస్తుంది. ఈ వీడియోలకు మిలియన్లలో వీక్షణలు, లక్షల్లో లైకులు కామెంట్లు రావడంతో సోషల్‌ మీడియాలో వైరల్‌ అవుతోంది. మీరేమంటారు..
మరిన్ని ట్రెండింగ్ వార్తల కోసం క్లిక్‌ చేయండి.
