Viral Video: ఇకపై ఉపాధ్యాయుల ఉద్యోగాలు ఊస్ట్.. 17 ఏళ్ల బాలుడి అద్భుత ఘనత..!

Ai Teacher Sophie

ఉత్తరప్రదేశ్‌లోని బులంద్‌షహర్‌కు చెందిన 17 ఏళ్ల విద్యార్థి AI-జనరేటెడ్ రోబోట్ టీచర్‌ను అభివృద్ధి చేయడం ద్వారా చారిత్రాత్మక ఘనతను సాధించాడు. శివచరణ్ ఇంటర్ కాలేజీలో 12వ తరగతి విద్యార్థి ఆదిత్య కుమార్ కేవలం రూ. 25,000 ఖర్చుతో ఈ AI రోబోట్‌ను అభివృద్ధి చేశాడు. ఇది విద్యార్థులకు వివిధ విషయాలపై బోధించగలదు. సోఫీ అనే రోబోట్ పెద్ద భాషా నమూనా (LLM) చిప్‌సెట్‌తో అమర్చి వివిధ విషయాలపై ప్రశ్నలకు సమాధానం ఇవ్వగలదు. ఇది ఇప్పుడు పాఠశాల సిబ్బందిలో భాగంగా మారింది. మానవ బోధకులు లేనప్పుడు ప్రత్యామ్నాయ ఉపాధ్యాయుడిగా పనిచేస్తుంది.

ANI షేర్ చేసిన వీడియోలో, సోఫీ తనను తాను పరిచయం చేసుకుంటూ, “నేను AI టీచర్ రోబోట్ ని. నా పేరు సోఫీ, నన్ను ఆదిత్య కనిపెట్టాడు. నేను బులంద్‌షహర్‌లోని శివచరణ్ ఇంటర్ కాలేజీలో బోధిస్తాను.. అవును, నేను విద్యార్థులకు బాగా నేర్పించగలను” అని చెబుతోంది. ప్రపంచంలోని ఎత్తైన భవనం, భారతదేశపు మొదటి రాష్ట్రపతి, మొదటి ప్రధానమంత్రి సహా 100 + 92 వంటి ప్రాథమిక అంకగణితం గురించి ప్రశ్నలకు రోబోట్ సమాధానమిచ్చింది. ప్రస్తుతం, సోఫీ హిందీలో కమ్యూనికేట్ చేస్తుంది. అయితే రచనా సామర్థ్యాలను జోడించడానికి ప్రణాళికలు జరుగుతున్నాయి.

తన సృష్టి గురించి మరిన్ని వివరాలను ఆదిత్య మీడియాకు వివరించారు. “ఈ రోబోను నిర్మించడానికి LLM చిప్‌సెట్‌ను ఉపయోగించానని, దీనిని ప్రధాన రోబోట్ తయారీ కంపెనీలు కూడా ఉపయోగిస్తున్నాయన్నారు. ఇది విద్యార్థులు వారి సందేహాలను నివృత్తి చేసుకోవడంలో సహాయపడుతుంది. ప్రస్తుతం, ఇది మాట్లాడగలదు. కానీ దానిని త్వరలో వ్రాయగలిగేలా రూపొందిస్తున్నాము.” అని ఆదిత్య తెలిపారు.

వీడియో ఇక్కడ చూడండి.. 

మరిన్ని ట్రెండింగ్ వార్తల కోసం ఇక్కడ క్లిక్ చేయండి..