Viral Video: ఆడ పులి కోసం రెండు పులుల మధ్య భీకర పోరు.. వీడియో చూస్తే గుండెలదరాల్సిందే..!

Viral Video: ఆడవారితో పెట్టుకుంటే గొప్ప గొప్ప సామ్రాజ్యాలు కూలిపోయాయనే వాస్తవం మనకు తెలిసిందే. చరిత్ర దాకా ఎందుకు గిన.. ప్రేయసి కోసం ఇద్దరు వ్యక్తులు కొట్టుకు చచ్చిన సంఘటనలు ప్రపంచ వ్యాప్తంగా అనేక జరిగాయి. జరుగుతూనే ఉన్నాయి. అయితే ఈ వివాదాలు మనుషులకు పరిమితం కాలేదు. జంతువుల్లోనూ ఇదే పరిస్థితి నెలకొంది. అవును మీరు విన్నది నిజంగా నిజం. ఓ ఆడ పులిని మెప్పించడం కోసం రెండు పులులు పోట్లాడుకున్నాయి. వాటి పోరు చూస్తే గుండెలదిరిపోవాల్సిందే. దీనికి సంబంధించిన వీడియో ఒకటి సోషల్ మీడియాలో వైరల్ అవుతోంది. ఆ వీడియోను చూసిన నెటిజన్లు జడుసుకుంటున్నారు.

ఈ వైరల్ వీడియోలో కొందరు పర్యాటకులు అడవిలో సఫారీలో పర్యటిస్తూ జంతువులను చూస్తున్నారు. ఇంతలో రోడ్డు మధ్య నుంచి రెండు పలులు కలిసిమెలిసి నడుచుకుంటూ వెళ్తున్నాయి. రోడ్డుకు అవతలి వైపున ఓ ఆడ పులి నిల్చుని ఉంది. దానిని గమనించిన ఈ రెండు పులులు.. ఉన్నట్లుండి గొడవపడ్డాయి. రెండు పులులు తమ పంజాలతో విరుచుకుపడ్డాయి. అత్యంత భీకరంగా పోట్లాడుకున్నాయి. అప్పటి వరకు సన్నిహితంగా ఉన్న పులులు.. ఒక్కసారిగా రౌద్రరూపంతో ఒకదానిపై మరొకటి విరుచుకుపడటం చూసి పర్యాటకులు సైతం హడలిపోయారు. ఇక ఈ రెండు పులులు చాలాసేపు పోట్లాడుకున్న తరువాత ఒక పులి వెనక్కి తగ్గింది. దాంతో ఆ రెండు వేరు వేరు అయ్యాయి. మరోవైపు ఈ రెండు పులులు పోట్లాడుకుంటుంటే.. పక్కనే ఉన్న ఆడ పులి ప్రశాంతంగా తిలకించింది. తనకేమీ సంబంధం లేదన్నట్లుగా నిల్చుకుని ఆస్వాదించింది.

ఈ భీకర పోరుకు సంబంధించిన వీడియోను ఐఎస్ఎఫ్ అధికారి సుశాంత నంద సోషల్ మీడియాలో పోస్ట్ చేశారు. దాంతో వీడియో కాస్తా వైరల్‌గా మారింది. ఆ వీడియోను చూసి నెటిజన్లు హడలిపోతున్నారు. వీడియోలో చూస్తేనే ఇంత భీకరంగా ఉంది.. నేరుగా చూస్తే సీన్ ఇంక ఏ రేంజ్‌లో ఉంటుందోనని ఆశ్చర్యం వ్యక్తం చేస్తున్నారు. ఈ వీడియోను ఇప్పటి వరకు 15 వేల మందికిపైగా వీక్షించారు.

Two adult males fighting it out for the female… As expected, the dominant male won the battle & favour from the queen.

(From SM) pic.twitter.com/jzhoQ3KHCB

— Susanta Nanda IFS (@susantananda3) April 28, 2022

మరిన్ని ట్రెండింగ్ వార్తల కోసం ఈ లింక్ క్లిక్ చేయండి..

Also read:

Health Tips: ఉదయం లేవగానే భుజాలు బిగుసుకుపోతున్నాయా? ఈ సమస్యకు ఈజీగా చెక్ పెట్టండి..!

Wipro Jobs: బీటెక్‌ పూర్తి చేసి ఉద్యోగం వేటలో ఉన్నారా.? విప్రో తెచ్చిన ఈ అవకాశం మీకోసమే..

Indian Railway: అర్థాంతరంగా రద్దవుతున్నాయి.. ఆలస్యంగా గమ్య స్థానాలకు చేరుతున్నాయి.. రైల్వే తీరుతో ప్రయాణికులు సతమతం