ఈ ఆటోలో ఎక్కిన వారికి చలితో వణుకే..! డ్రైవర్ అదిరిపోయే ఐడియాకు నెటిజన్లు ఫిదా..

ఢిల్లీ వేడి అనగానే గొంతు ఎండిపోతుంది. కానీ, అవసరమే ఆవిష్కరణకు తల్లి వంటిది అంటారు కదా. Xఅనే సోషల్ మీడియా ప్లాట్‌ఫామ్‌లో, @ThePushpraj X షేర్ చేసిన ఒక వీడియో ఇంటర్నెట్ ప్రపంచాన్ని ఆశ్చర్యపరిచింది.

ఉత్తర భారతదేశంలో ఎండల తీవ్రత రికార్డు స్థాయికి చేరుతోంది. ముఖ్యంగా ఢిల్లీలో భానుడి భగభగలకు జనం అల్లాడిపోతున్నారు. ఇటువంటి పరిస్థితుల్లో ఏసీ కార్లలో తిరిగే వారికి ఇబ్బంది లేకపోయినా, ఈ-రిక్షాలు, ఆటోల్లో ప్రయాణించే వారు ఎండ వేడికి తల్లడిల్లుతుంటారు. ఈ సమస్యను గమనించిన ఒక ఈ-రిక్షా డ్రైవర్ తన ప్రయాణికుల కోసం ఒక అద్భుతమైన పరిష్కారాన్ని కనిపెట్టాడు.

ఇవి కూడా చదవండి

గోడకు బిగించిన ఏసీ బాంబుగా మారుతుంది.. మీరు ఈ పొరపాటు చేస్తే,.

మీకు అతిగా వేడి అనిపిస్తుందా? శరీరంలో ఆ విటమిన్ తగ్గిందేమో

పిగ్మెంటేషన్ సమస్యతో బాధపడుతున్నారా? పటికతో ఇలా చేశారంటే..

సోషల్ మీడియాలో వైరల్ అవుతున్న ఈ వీడియోలో ఒక ఈ-రిక్షా పైన, చుట్టూ గడ్డి పొరలను (Cooler Grass Mats) అమర్చి ఉండటం మనం చూడవచ్చు. కేవలం గడ్డిని అమర్చడమే కాకుండా, ఆ గడ్డిని నిరంతరం తడిపి ఉంచడానికి డ్రైవర్ చిన్న వాటర్ పైపులను, ఒక మోటార్‌ను కూడా అమర్చాడు. ఇది మన ఇంట్లో ఉండే ఎయిర్ కూలర్ సూత్రంపై పనిచేస్తుంది. రిక్షా కదులుతున్నప్పుడు వచ్చే గాలి ఆ తడి గడ్డి గుండా ప్రయాణించి, ప్రయాణికులకు చల్లటి గాలిని అందిస్తుంది.

ఈ వినూత్న ప్రయత్నాన్ని చూసిన నెటిజన్లు సదరు డ్రైవర్ తెలివితేటలను కొనియాడుతున్నారు. భారతీయుల జుగాడ్ (సృజనాత్మకత)కు ఆకాశమే హద్దు అని కొందరు కామెంట్ చేస్తుంటే, తక్కువ బడ్జెట్‌లో ప్రయాణికుల సౌకర్యం కోసం ఆలోచించిన ఈ డ్రైవర్ నిజమైన ఇంజనీర్ అని మరికొందరు పొగుడుతున్నారు. ఎండలో కష్టపడుతూ కూడా ప్రయాణికుల చల్లదనం కోసం ఆయన చేసిన ఈ చిన్న ప్రయత్నం అందరినీ ఆకట్టుకుంటోంది.

వీడియో ఇక్కడ చూడండి…

गजब की क्रिएटिविटी है….

दिल्ली में एक रिक्शे वाले ने अपने रिक्शे को चलता फिरता AC बना दिया…

दिमाग की कमी नहीं है भारत के लोगों में…. pic.twitter.com/abNopIsdEj

— Pushpraj sharma (@ThePushprajX) May 13, 2026

పెరుగుతున్న ఉష్ణోగ్రతలకు విరుగుడుగా ఖరీదైన ఏసీలు అందరికీ అందుబాటులో ఉండవు. అటువంటి సమయంలో ఇలాంటి తక్కువ ఖర్చుతో కూడిన దేశీ పద్ధతులు సామాన్యులకు ఎంతో మేలు చేస్తాయి. ఈ-రిక్షా డ్రైవర్ చేసిన ఈ ప్రయత్నం కేవలం ఒక వైరల్ వీడియో మాత్రమే కాదు, అవసరమే ఆవిష్కరణకు మూలమని మరోసారి నిరూపించింది. ఎండ దెబ్బ నుండి తప్పించుకోవడానికి ఇది ఒక స్మార్ట్, ఎకో-ఫ్రెండ్లీ మార్గంగా కనిపిస్తోంది.

మరిన్ని ట్రెండింగ్ న్యూస్ కోసం క్లిక్ చేయండి..