Video: ఆకలి కోసం చిరుత హైనాల ఆరాటం.. రెండింటికి మధ్య జింక పిల్ల పోరాటం.. అంతలో అదిరిపోయే ట్విస్ట్.!

Leopard Video Viral: జంతువులు తమను తాము రక్షించుకోవాలంటే ఎల్లప్పుడూ వేటాడుతూ ఉండాలి. అంతేకాకుండా అవి ఎప్పటికప్పుడు...

Leopard

Ravi Kiran |
Updated on: Mar 13, 2021 | 2:43 PM

Leopard Video Viral: జంతువులు తమను తాము రక్షించుకోవాలంటే ఎల్లప్పుడూ వేటాడుతూ ఉండాలి. అంతేకాకుండా అవి ఎప్పటికప్పుడు తమ ఆకలిని తీర్చుకోవడానికి ఎర కోసం వెతుకుతూనే ఉంటాయి. క్రూర జంతువులు అయితే మెరుపు వేగంతో వేటాడతాయి. క్షణాల్లో తమకు కనిపించిన జంతువులను ఎరగా చేసుకుంటాయి. ముఖ్యంగా చిరుతపులి వేగం గురించి ప్రత్యేకంగా చెప్పాల్సిన అవసరం లేదు. దాని వేట మెరుపు వేగంతో ఉంటుంది. కానీ అలాంటి చిరుతపులికి చుక్కెదురైంది. పానకంలో పుడకలాగా చిరుత వేటలోకి హైనా ఎంటరై సీన్ మొత్తం మార్చేసింది. దానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.

ఇందులో చిరుత మెరుపు వేగంతో జింకను పట్టుకుని వేటాడబోతుంది. అయితే అనూహ్యంగా దాని వేట తారుమారు అవుతుంది. పానకంలో పుడకలాగా హైనా మధ్యలో వచ్చి దాని ఎరను లాక్కుంటుంది. ఈలోపు ఆ అవకాశాన్ని అదునుగా చేసుకున్న జింక అక్కడ నుంచి చటుక్కున పారిపోతుంది. ఈ వీడియోను ట్విట్టర్‌లో షేర్ చేయగా.. కొద్దిసేపటిలోనే అది కాస్తా వైరల్‌గా మారింది. ‘డీర్ లక్’ అంటూ ఈ వీడియోకు క్యాప్షన్ పెట్టి పోస్ట్ చేశారు.