Viral Video: బాల్కానీలో దంపతుల ఫైట్.. అంతలోనే ఘోరం.. చూస్తే షాక్ అవ్వాల్సిందే.!
భార్య భర్తల మధ్య గొడవలు సహజం.. కానీ చిన్నగా మొదలైన గొడవ కాస్త చిలికి చిలికి గాలివానగా మారితే, ప్రాణాలు పోయే ప్రమాదం ఉంది. తాజాగా.
Updated on: May 31, 2021 | 6:19 PM
భార్య భర్తల మధ్య గొడవలు సహజం.. కానీ చిన్నగా మొదలైన గొడవ కాస్త చిలికి చిలికి గాలివానగా మారితే, ప్రాణాలు పోయే ప్రమాదం ఉంది. తాజాగా ఓ జంట గొడవ పడుతూ.. ప్రాణాల మీదకు తెచ్చుకున్నారు. ఒక్కసారిగా బాల్కానీ నుంచి కిందపడ్డారు. స్థానికులు వారిని రక్షించి హాస్పిటల్లో చేర్చారు. ప్రస్తుతం ఈ వీడియో సోషల్ మీడియాలో వైరల్గా మారింది.
ఈ ఘటన రష్యాలోని సెయింట్ పీటర్స్బర్గ్లో చోటు చేసుకుంది. అక్కడ స్థానికంగా ఉంటున్న ఓ రెసిడెన్సీలో ఓల్గా వోల్కోవా, కార్లాగిన్ అనే దంపతులు నివాసముంటున్నారు. అపార్ట్ మెంట్లోని రెండో అంతస్తులో ఉన్న ఈ దంపతుల మధ్య వాగ్వాదం జరిగింది. అదికాస్త ముదరడంతో ఇద్దరు తన్నుకునే దాకా వెళ్లింది. అయితే ఆ గొడవ శృతిమించడంతో అదుపు తప్పి బాల్కనీ నుంచి జారి కిందపడ్డారు. పక్కనే ఉన్న స్థానికులు ఇదంతా గమనించడంతో.. వారిని హుటాహుటిన ఆస్పత్రికి తరలించారు. అదృష్టవశాత్తు సుమారు 25 అడుగుల ఎత్తు నుంచి కిందపడినా ఆ జంట ప్రాణాలతో బయటపడ్డారు. ప్రస్తుతం వారి ఆరోగ్య పరిస్థితి క్రిటికల్ ఉన్నట్లు సమాచారం. ఇక ఈ తతంగాన్ని మొత్తం ఓ వ్యక్తి వీడియో తీసి సోషల్ మీడియాలో పోస్టు చేశాడు. దీంతో అది క్షణాల్లో వైరల్గా మారింది.
