Viral video: ప్రపంచాన్ని కలవరపరిచిన వింత జంతువు ఏంటో తెలుసా ..? నెట్టింట హల్‌చల్‌ చేస్తున్న నక్కా ! కాదు కాదు.. తోడేలు..?
విచిత్రం ఏంటంటే.. ఆ జంతువు మొదట చూస్తే తోడేలులా కనిపించినా.. నిశితంగా పరిశీలిస్తే అది నక్కలా కనిపిస్తుంది.. ఇది ఏ వర్గానికి చెందినదో ఇప్పటికీ తెలియదు. ఈ అసాధారణ జంతువు రోడ్డు దాటుతుండగా అనుకోకుండా అక్కడి స్థానికుల కెమెరాకు చిక్కింది.
Updated on: Dec 07, 2022 | 12:35 PM
ప్రస్తుతం సోషల్ మీడియాలో ఒక వీడియో వైరల్ అవుతోంది. అందులో ఓ వింత జంతువు కనిపించి అందరినీ ఆశ్చర్యపోయేలా చేస్తోంది. అది చూసేందుకు నక్క, తోడేలుకు దగ్గరి రూపంతో విచిత్రంగా కనిపిస్తోంది. ఈ విచిత్ర ఆకారంతో ఉన్న వింతైన ఈ జంతువు సోషల్ మీడియాలో హల్ చల్ చేస్తోంది. మేన్డ్ వోల్ఫ్ వీడియో వైరల్‌గా మారింది. ఇప్పుడు ఈ వీడియో ఇంటర్నెట్‌లో తెగ సందడి చేస్తోంది. ఇంటర్నెట్ యూజర్ రెగ్ సాడ్లర్ ట్విట్టర్‌లో షేర్ చేసిన వీడియోలో ఒక జంతువు ప్రశాంతంగా రోడ్డు దాటుతున్నట్లు చూడవచ్చు. విచిత్రం ఏంటంటే.. ఆ జంతువు మొదట చూస్తే తోడేలులా కనిపించినా.. నిశితంగా పరిశీలిస్తే అది నక్కలా కనిపిస్తుంది.. ఇది ఏ వర్గానికి చెందినదో ఇప్పటికీ తెలియదు. ఈ అసాధారణ జంతువు దక్షిణ అమెరికాలో రోడ్డు దాటుతుండగా అనుకోకుండా అక్కడి స్థానికుల కెమెరాకు చిక్కింది. ఈ వీడియోను ట్విటర్‌లో షేర్ చేసిన వ్యక్తి.. ‘ఇది ఏంటో ఎవరికైనా తెలుసా?! అని ప్రశ్నిస్తూ వీడియోకి క్యాప్షన్ ఇచ్చారు.
ఈ పోస్ట్‌ను ఇప్పటికే రెండు లక్షల మందికి పైగా వీక్షించారు. ఇలాంటి జంతువును చూసి చాలా మంది ట్విటర్ యూజర్లు షాకవుతున్నారు. ఇది హైనా అని కొందరు అనుకుంటే, మరికొందరు వీడియో ఫేక్ అని పేర్కొన్నారు. వీడియో చూసిన ఇంకొందరు తోడేలు అని, మరికొందరు అది నక్క జాతి అయి ఉండవచ్చని అంటున్నారు. మరికొందరు అది పొడవాటి ఎర్రటి-గోధుమ రంగు బొచ్చు, చాలా పొడవాటి నల్లటి కాళ్లు, నక్క లాంటి తలతో ఉన్న మేనేడ్ తోడేలు కావచ్చునని అంటున్నారు. ఇది రాత్రిపూట మాత్రమే తిరిగే జీవిగా చెబుతున్నారు. అలాగే, ఇది చిన్న జంతువులు, కీటకాలు, మొక్కల వంటివి తినే ఒంటరి జంతువు మేన్డ్ వోల్ఫ్ అని చెబుతారు.
ఒక వినియోగదారు కామెంట్‌ చేస్తూ..ఇది ఫేక్ వీడియో అంటున్నారు. ఎందుకంటే మెడపై నల్లటి బొచ్చు ఒకసారి కనిపిస్తుంది. తర్వాత మళ్లీ అదృశ్యమవుతుందని కామెంట్‌ చేశారు. మరొక వినియోగదారు ఇది ఫాక్స్ హైబ్రిడ్ జాతి కావచ్చు.. బహుశా అది హైనా లేదా కొయెట్ లాగా ఉండవచ్చు అంటూ ట్విట్‌ చేశారు.
Does anyone know what the heck this is?! ? via Imgur pic.twitter.com/FwBBJCfgb6
— Reg Saddler (@zaibatsu) December 3, 2022
ఈ వీడియోను ట్విట్టర్ పేజీ ఫెసినేటింగ్ రీట్వీట్ చేసింది. అక్కడ ఈ జంతువును ‘మేన్డ్ వోల్ఫ్’ అని పిలుస్తారు. బ్రిటానికా ప్రకారం, ఈ జాతి మధ్య దక్షిణ అమెరికాలోని మారుమూల మైదానాలలో కనిపిస్తుంది. అలాగే, ఈ జంతువు కుక్క కుటుంబానికి చెందిన అరుదైన పెద్ద చెవుల జంతువు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి.
