Viral: చేతులు కాలాక ఆకులు పట్టుకుంటే ఏ ప్రయోజనం.. చేయకూడని తప్పు చేసి లబోదిబోమంటున్న మహిళ..
పులిని చూసి నక్క వాతలు పెట్టుకోవడం అంటే ఇదే మరి.. ఓ మోడల్‌ను చూసి తానూ అలా కనిపించాలన్న తాపత్రయంతో చేసిన ప్రయోగం వికటించింది ఓ మహిళ కంటి చూపును కోల్పోయే పరిస్థితి వచ్చింది.
పులిని చూసి నక్క వాతలు పెట్టుకోవడం అంటే ఇదే మరి.. ఓ మోడల్‌ను చూసి తానూ అలా కనిపించాలన్న తాపత్రయంతో చేసిన ప్రయోగం వికటించింది ఓ మహిళ కంటి చూపును కోల్పోయే పరిస్థితి వచ్చింది. వయసులో చిన్న అయినా, విషయ పరిజ్ఞానంతో అమ్మా వద్దు అని తన కూతురు ఎంత వారించినా వినకుండా ప్రయోగాలు చేసి ఇప్పుడు అవస్థలు పడుతోంది. తప్పు చేశానంటూ ఇప్పుడు బాధపడుతోంది. ఇంతకీ ఏం జరిగిందంటే.. ఆస్ట్రేలియన్ మోడల్ అంబర్ లక్ తన కళ్లకు నీలి రంగు టాటూ వేయించుకుని డిపరెంట్‌ లుక్‌లో కనిపించింది. అయితే, ఆ లుక్‌ చూసి ఇన్‌స్పైర్ అయిన నార్త్ ఐర్లాండ్‌కు చెందిన అనయా పీటర్సన్(32).. తన కనుగుడ్లపై బ్లూ, పర్పుల్ రంగులతో పచ్చబొట్టు వేయించుకుంది. అయితే, ఆమె ఏడేళ్ల కూతురు ఈ చర్యను తీవ్రంగా వ్యతిరేకించింది. కంటి చూపు పోయే ప్రమాదం ఉందంటూ సీరియస్ వార్నింగే ఇచ్చింది. కానీ, అది పెడచెవిన పెట్టిన అనయా.. టాటూ వేయించుకున్నారు. మొదట బాగానే ఉన్నా.. ఆ తరువాత రియాక్షన్ మొదలయ్యాయి. కనుగుడ్ల వాయడంతో కళ్లు పూర్తిగా మూసుకుపోయాయి. దాంతో ఆస్పత్రిలో చేరాల్సిన పరిస్థితి వచ్చింది. ప్రస్తుతం ఆమె కంటి చూపును కోల్పోయే ప్రమాదం ఉందని వైద్యులు చెబుతున్నారు.
కాగా, అనయా టాటూకు సంబంధించిన వీడియో సోషల్ మీడియాలో తెగ వైరల్ అవుతోంది. ఆ వీడియోను చూసి నెటిజన్లు షాక్ అవుతున్నారు. చిన్న పాప చెప్పినా వినకుండా పిచ్చి పనులు చేసి.. ఇప్పుడు ఇబ్బందులు పడటం అవసరమా? అంటూ కాస్త గట్టిగానే కౌంటర్లు వేస్తున్నారు. పులిని చూసి నక్క వాతలు పెట్టుకోవడం అంటే ఇదే మరి అని మరికొందరు కామెంట్స్ చేస్తున్నారు.
వైరల్ అవుతున్న అనయా పీటర్సన్ టాటూ వీడియో..
I tattooed my eyeballs purple and blue — now I’m going blind https://t.co/fVBoAEhCg7 pic.twitter.com/fryH0MYlkT
— New York Post (@nypost) December 6, 2022
మరిన్ని ట్రెండింగ్ వార్తల కోసం ఈ లింక్ క్లిక్ చేయండి..
