Viral News: అర్జంట్‌ ప‌నిమీద వెళ్లాను..కాసేపు ఆగండి !.. వైరలవుతున్న రైల్వే టికెట్ ఆపరేటర్ సైన్ బోర్డ్..

ఆ సమయంలోకూడా అతను ఎంతో బాధ్యతాయుతంగా వ్యవహరించాడు. కౌంటర్‌ ముందు ఓ బోర్డు పెట్టి వెళ్లాడు. దీనికి సంబంధించిన వీడియో నెట్టింట వైర‌ల్‌గా మారింది.

Viral Photo

Rajitha Chanti |
Updated on: Sep 02, 2022 | 6:12 PM

ప్రకృతి పిలిస్తే ఎవ‌రైనా వెళ్లాల్సిందే. మ‌ల‌, మూత్రాల‌ను ఆపుకోవ‌డం ఎవ‌రికైనా క‌ష్టమే. కౌంట‌ర్‌లో కూర్చొని టికెట్ ఇస్తున్న ఆప‌రేట‌ర్‌కు సడెన్‌గా ప్రకృతినుంచి పిలుపొచ్చింది. అయితే, అత‌డు నన్నెవరు అడుగుతారులే అని నిర్లక్ష్యంగా అక్కడ్నుంచి లేచి వెళ్లిపోలేదు. ఆ సమయంలోకూడా అతను ఎంతో బాధ్యతాయుతంగా వ్యవహరించాడు. కౌంటర్‌ ముందు ఓ బోర్డు పెట్టి వెళ్లాడు. దీనికి సంబంధించిన వీడియో నెట్టింట వైర‌ల్‌గా మారింది.

పాట్నాలోని రైల్వే స్టేష‌న్‌లో టికెట్ ఆప‌రేట‌ర్‌కు అర్జెంట్‌గా బాత్‌రూంకి వెళ్లాల్సి వ‌చ్చింది. అందుకు అతను టికెట్‌ కోసం వచ్చే ప్రయాణికులకు ఇబ్బంది కలగకుండా ఓ బోర్డు రాసి తన కౌంటర్‌ ముందు ఉంచి వెళ్లాడు. ఆ బోర్డుపైన ‘బాత్‌రూం నుంచి వ‌స్తున్నా.. కాసేపు వేచిచూడండి..’ అని రాశాడు. ఈ సైన్‌బోర్డును వీడియో తీసి ఓ యూజర్‌ తన ట్విట‌ర్‌లో పోస్ట్‌ చేయడంతో అదికాస్తా వైర‌ల్‌గా మారింది. ఈ ఫన్నీ నోట్‌ను చూసిన‌ వారంద‌రూ న‌వ్వాపుకోలేక‌పోతున్నారు. ఈ వీడియోను లక్షలమంది వీక్షించగా.. వేలల్లో లైక్‌ చేశారు. అంతేకాదు వందలమంది వీడియోను తమదైన శైలిలో కామెంట్‌ చేస్తూ షేర్‌ చేశారు.

ఇవి కూడా చదవండి