Watch: పుట్టిన నిమిషానికే డాక్టర్‌తో ‘యుద్ధం’.. ఇంటర్నెట్‌ను ఊపేస్తున్న ‘లిటిల్ బాహుబలి’ వైరల్ వీడియో!

ప్రతిరోజూ ఇంటర్నెట్‌లో ఎన్నో వీడియోలు దర్శనమిస్తుంటాయి. కానీ, కొన్ని క్లిప్‌లు మాత్రం నెటిజన్ల హృదయాలను తక్షణమే గెలుచుకుంటాయి. సరిగ్గా అలాంటి ఒక క్యూట్ అండ్ ఫన్నీ వీడియో ప్రస్తుతం సోషల్ మీడియాను షేక్ చేస్తోంది. పుట్టిన కొద్ది నిమిషాలకే ఒక పసికందు డాక్టర్‌తో పోట్లాడుతున్నట్లు ఉన్న వీడియో ఒకటి వైరల్ అవుతోంది. ఈ దృశ్యాలను చూసి నెటిజన్లు ఆ పిల్లాడిని ముద్దుగా "లిటిల్ బాహుబలి" అని పిలుచుకుంటున్నారు.

Baby Holding Doctor Stethoscop

Balaraju Goud |
Updated on: Jul 24, 2026 | 4:55 PM

ప్రతిరోజూ ఇంటర్నెట్‌లో ఎన్నో వీడియోలు దర్శనమిస్తుంటాయి. కానీ, కొన్ని క్లిప్‌లు మాత్రం నెటిజన్ల హృదయాలను తక్షణమే గెలుచుకుంటాయి. సరిగ్గా అలాంటి ఒక క్యూట్ అండ్ ఫన్నీ వీడియో ప్రస్తుతం సోషల్ మీడియాను షేక్ చేస్తోంది. పుట్టిన కొద్ది నిమిషాలకే ఒక పసికందు డాక్టర్‌తో పోట్లాడుతున్నట్లు ఉన్న వీడియో ఒకటి వైరల్ అవుతోంది. ఈ దృశ్యాలను చూసి నెటిజన్లు ఆ పిల్లాడిని ముద్దుగా “లిటిల్ బాహుబలి” అని పిలుచుకుంటున్నారు.

వైరల్ అవుతున్న ఆ వీడియోలో.. ఆసుపత్రి మంచం మీద పడుకున్న పసికందును పరీక్షించేందుకు డాక్టర్ తన స్టెతస్కోప్‌ను దగ్గరకు తీసుకువచ్చాడు. అంతే, ఆ చిన్నారి తన చిన్ని చేతులతో ఆ స్టెతస్కోప్‌ను గట్టిగా పట్టుకున్నాడు. డాక్టర్ ఎంత బలంగా వెనక్కి లాగాలని ప్రయత్నించినా, ఆ కండల వీరుడు మాత్రం అంగుళం కూడా కదలకుండా దానిని అస్సలు వదల్లేదు! చిన్నారి పట్టు చూసి ఆశ్చర్యపోయిన వైద్యుడు చివరికి నవ్వుతూ స్టెతస్కోప్‌ను అక్కడే వదిలేశాడు.

వైద్య శాస్త్రం ఏమంటోంది?

ఈ వీడియో చూసేందుకు వింతగా, ఆశ్చర్యంగా అనిపించినప్పటికీ, ఇది పూర్తిగా సహజమైన ప్రక్రియేనని వైద్యులు చెబుతున్నారు. పుట్టిన నవజాత శిశువులలో వస్తువులను స్పర్శించి గట్టిగా పట్టుకునే సహజ ప్రవృత్తి (Palmar Grasp Reflex) ఉంటుంది. శిశువుల నాడీ సంబంధిత ప్రతిస్పందనలను (Neurological Responses) పరీక్షించడానికి డాక్టర్లు తరచుగా వారి చేతుల్లో వేలు లేదా వస్తువులను ఉంచి చెక్ చేస్తారు. ఈ వీడియో ‘నియోనాటల్ ఇంటెన్సివ్ కేర్ యూనిట్’ (NICU) సిబ్బందికి కూడా ఒక విద్యాపరమైన ఉదాహరణగా ఉపయోగపడుతుందని చెప్తున్నారు.

ఈ అందమైన వీడియోను `@drnewborns` అనే ఇన్‌స్టాగ్రామ్ హ్యాండిల్‌లో పోస్ట్ చేయగా.. ఇది నెట్‌లో విపరీతంగా వైరల్ అయింది. ఇప్పటివరకు ఈ వీడియోకు 13 మిలియన్లకు పైగా వ్యూస్, 1.1 మిలియన్లకు పైగా లైక్స్ వచ్చాయి. నెటిజన్లు కామెంట్లలో ఆ పసికందుపై ప్రేమను కురిపిస్తున్నారు. “పుట్టిన వెంటనే ఈ పసివాడు బాహుబలి మోడ్‌లోకి వెళ్లిపోయాడు” అని ఒకరు కామెంట్ చేయగా, “తల్లి గర్భంలో ప్రశాంతంగా ఉన్న నన్ను ఎందుకు బయటకు తీశారు? అని ఆ పసివాడు డాక్టర్‌ని నిలదీస్తున్నట్లుంది!” అని మరొకరు సరదాగా రాసుకొచ్చారు.

వైరల్ వీడియోను ఇక్కడ చూడండి…