Viral News: వీడు దేవుడ్రా బాబు.. మైనస్ 40 డిగ్రీల సెల్సియస్‌లో డ్యాన్స్ చేస్తూ ఎంజాయ్ చేస్తున్నాడు..

Man Performs Bhangra Dance

చలికాలంలో ఉదయం ఏడు గంటలకంటే ముందు, రాత్రి 8 గంటల తర్వాత.. రోడ్డుపై వెళ్తేనే అమ్మో చలి అంటుంటాం.. అదే శీతాకాలంలో ఏసీ వేసినా, ఫ్యాన్‌ స్పీడ్‌గా పెట్టినా.. చలికి తట్టుకోలేరు. మరి శీతాకాలంలో మైనస్‌ డిగ్రీల్లో డ్యాన్స్ చేయడం అంటే మాటాలా.. అది కూడా భాంగ్రా నృత్యం చేశాడు ఓ వ్యక్తి. ఈ వీడియో ప్రస్తుతం నెట్టింట్లో వైరల్‌ అవుతోంది. కెనడాకు చెందిన డ్యాన్సర్ గుర్దీప్ పంధేర్ ఈ వీడియోను ట్విట్టర్‌లో పోస్టు చేశారు. కెనడా అరణ్యంలో అత్యంత చలిగా ఉండే ప్రాంతంలో ఆ డ్యాన్సర్‌ భాంగ్రా నృత్యం చేశాడు. యుకాన్ అరణ్యంలో మైనస్ 40 డిగ్రీల సెల్సియస్‌లో, ప్రకృతి ఎంతో ప్రశాంతంగా, వాతావరణం చల్లగా, అద్భుతంగా ఉందని, గాలి సైతం గడ్డకట్టుకుపోతున్నప్పటికీ ఊపిరితిత్తులకు చాలా రిఫ్రెష్‌గా ఉన్నాయంటూ. ఈ సహజ వాతావరణంలో తాను వెచ్చదనం కోసం నృత్యం చేసినట్లు తెలిపాడు. తాను ప్రపంచానికి మంచి వైబ్‌ని పంపుతున్నానంటూ వీడియోతో పాటు ట్వీట్ చేశాడు గుర్దీప్‌ పంథేర్. మంచుతో నిండి ఉన్న నేలపై నిలబడి శీతాకాలపు దుస్తులు ధరించి ఉన్న ఈ డ్యాన్సర్ నృత్యం చేశాడు. ఒకరోజు క్రితం పోస్టు చేయబడిన ఈ వీడియో ఇప్పటివరకు లక్షల మంది వీక్షించగా, పది వేల లైక్‌లు వచ్చాయి.

ఈ వీడియోపై నెటిజన్లు మాత్రం రకరకాలుగా స్పందిస్తున్నారు. డౌన్ హోమ్ ఫిడిల్ సంగీతానికి నృత్యం చేయడం తాను ఇంతకు ముందు ఎప్పుడూ చూడలేదని, ఈ డ్యాన్స్‌ దానిని గుర్తుకు తెస్తోందని ఓ నెటిజన్ కామెంట్ పెట్టగా.. మీ డ్యాన్స్ ప్రపంచానికి వెచ్చదనాన్ని తీసుకొస్తుందని మరో నెటిజన్ అభిప్రాయపడ్డాడు. మైనస్ 40 డిగ్రీల సెల్సియస్‌లో డ్యాన్స్ చేయడం వెనుక ఏదో ప్రత్యేకత ఉందని మరో నెటిజన్ కామెంట్‌ చేశాడు.

మరిన్ని ట్రెండింగ్ వార్తల కోసం చూడండి..