తాగునీటి కోసం మహిళల సాహసం.. బావిలోకి దిగుతున్న భయానక దృశ్యాలు.. వీడియో వైరల్

Water Crisis

మూడు పూటలా తిండి లేకపోయినా సరే,గుక్కెడు నీళ్లు తాగి బతికే వాళ్లు అనేకం ఉన్నారు మనదేశంలో..కానీ, అవే నీళ్ల కోసం అక్కడి మహిళలు పడే కష్టాలు అన్నీఇన్నీ కాదు. బిందేడు నీళ్ల కోసం అక్కడి ప్రజలు ప్రాణాలతో చెలగాటం ఆడాల్సిన దుస్థితి. దిండోరిలో ప్రతిరోజూ హృదయాన్ని కదిలించే ఇలాంటి దృశ్యాలు నిత్యం కనిపిస్తున్నాయి. మధ్యప్రదేశ్‌లో కొన్ని మారుమూల గ్రామాల్లో గుక్కెడు నీళ్లకోసం ప్రాణాన్ని అరచేతిలో పెట్టుకునే పరిస్థితి అక్కడి ప్రజలది. ఇంట్లో వాళ్లకు దాహం తీర్చాలంటే.. ఆ ఇంటి ఇల్లాలు ప్రాణాలకు తెగించి ఆ బావిలో దిగాల్సిందే. ఏకంగా 60 అడుగుల లోతున్న బావిలో దిగి రోజూ ఇళ్లకు నీళ్లు తీసుకువెళ్తారు.

మధ్యప్రదేశ్‌లోని ఘుసియాలో మహిళలు నీళ్ల కోసం అష్టకష్టాలు పడుతున్నారు. బిందేడు నీళ్ల కోసం ఏకంగా 60అడుగుల బావిలోకి దిగుతున్నారు. బావిలోని రాళ్లనే మెట్లుగా చేసుకుని ఎక్కడం దిగడం చేస్తున్నారు.. అలాంటి టైమ్‌లో కాస్త కాలు జారినా ఇక అంతే సంగతులు. నీటి కోసం మహిళలు ఎలాంటి తాడు,నిచ్చెన లేకుండా బావిలో దిగుతున్నట్టుగా కనిపిస్తోంది.

మధ్యప్రదేశ్‌లోని అనేక ప్రాంతాల్లో తీవ్రమైన నీటి కొరతకు సాక్షంగా నిలుస్తోంది ఈ వీడియో. సోషల్ మీడియాలో వీడియో వైరల్‌గా మారింది.