Leopard : పర్యాటకుల హోటల్ గదిలో దూరిన చిరుత.. రెండు గంటలపాటు అక్కడే మకాం..వైరలవుతున్న వీడియో
ఘటనాస్థలికి చేరుకున్న అటవీశాఖ బృందం, జూ బృందం అధికారులు ఎంతో చాకచక్యంగా చిరుత పులిని పట్టుకొని బోనులో బంధించారు. అనంతరం చిరుతను జైపూర్ జూకి తరలించారు. అనంతరం అధికారుల ఆదేశాల మేరకు అడవుల్లో వదిలిపెట్టారు. కాగా, చిరుత గదిలో ఉన్న దృశ్యాలను అక్కడే ఉన్న సిబ్బంది తమ ఫోన్లలో బంధించి సోషల్‌ మీడియాలో పోస్టు చేయగా.. ప్రస్తుతం ఆ వీడియోలు వైరల్ అవుతున్నాయి.
Updated on: Jan 19, 2024 | 11:00 AM
మీరు ఉంటున్న హోటల్ గదిలోకి చిరుత ప్రవేశిస్తే ఎలా ఉంటుంది..బాబోయ్‌ ఇంకేమైనా ఉందా..? పై ప్రాణాలు పైకే…కానీ, జైపూర్‌లోని కనోటాలో ఉన్న ఓ హోటల్‌లోకి అకస్మత్తుగా చిరుతపులి ప్రవేశించింది. ఈ ఘటనతో హోటల్‌లో బస చేసిన పర్యాటకులు భయాందోళనకు గురయ్యారు. హోటల్‌లో ఉన్న వారంతా హోటల్‌ను వదిలి పారిపోయారు. హోటల్ గదిలోకి దూరిన చిరుత దాదాపు రెండు గంటల పాటు ఆ గదిలోనే గడిపింది. దీంతో హోటల్ యాజమాన్యం వెంటనే అటవీశాఖ అధికారులకు సమాచారం అందించింది. అనంతరం అటవీశాఖ బృందం హోటల్‌కు చేరుకుంది. చిరుతను పట్టుకునేందుకు ప్రయత్నించిన అటవీ సిబ్బందికి చుక్కలు చూపించింది చిరుత.
గురువారం ఉదయం హోటల్ సిబ్బంది గదిలోకి చిరుత ప్రవేశించింది. హోటల్‌లో ఉన్న కుక్కలు ఒక్కసారిగా బిగ్గరగా అరవటం మొదలుపెట్టాయి. దాంతో హోటల్ నిర్వాహకులు వాటి నోరు మూయించే ప్రయత్నం చేశారు. కానీ కుక్కలు మొరుగుతూనే ఉన్నాయి. అదే సమయంలో ఓ పర్యాటకుడు హోటల్ యాజమాన్యానికి సమాచారం అందించాడు. అతనికి చిరుతపులి కనిపించిందని చెప్పాడు.. అంతలోనే హోటల్ సిబ్బంది గదిలోకి చిరుత ప్రవేశించింది. చిరుతపులి సమాచారంతో హోటల్‌లో ఉన్న పర్యాటకులు బయటకు పరుగులు తీశారు. చిరుత సిబ్బంది గదిలోకి దూరిన సమయంలో గదిలో ఎవరూ లేకపోవడంతో పెను ప్రమాదం తప్పింది. చిరుతను చూసిన హోటల్ యాజమాన్యం ఆ గదికి బయట నుంచి తాళం వేసి.. వెంటనే అటవీశాఖ అధికారులకు సమాచారం అందించారు.
जयपुर के हैरिटेज होटल में घुसा लेपर्ड, टूरिस्ट होटल छोड़कर बाहर भागे, वीडियो हो रहा वायरल.#Jaipur #Leopard #viralvideo pic.twitter.com/2oIKzlIMMn
— Nidhi solanki🇮🇳 (@iNidhisolanki) January 19, 2024
ఘటనాస్థలికి చేరుకున్న అటవీశాఖ బృందం, జూ బృందం అధికారులు ఎంతో చాకచక్యంగా చిరుత పులిని పట్టుకొని బోనులో బంధించారు. అనంతరం చిరుతను జైపూర్ జూకి తరలించారు. అనంతరం అధికారుల ఆదేశాల మేరకు అడవుల్లో వదిలిపెట్టారు. కాగా, చిరుత గదిలో ఉన్న దృశ్యాలను అక్కడే ఉన్న సిబ్బంది తమ ఫోన్లలో బంధించి సోషల్‌ మీడియాలో పోస్టు చేయగా.. ప్రస్తుతం ఆ వీడియోలు వైరల్ అవుతున్నాయి.
మరిన్ని ట్రెండింగ్ న్యూస్ కోసం క్లిక్ చేయండి
