దోశ తిందామని వెళ్లిన ఐపీఎస్ అధికారికి ఊహించని షాక్.. ఏం జరిగిందంటే
దొంగలు ఎప్పుడు ఎలా మాయ చేస్తారో ఎవరికి అర్థం కాదు. తాజాగా ఓ ఐపీఎస్ అధికారికి రెస్టారెంట్‌లో అలాంటిదే చేదు అనుభవం ఎదురైంది. ఇటీవల అరుణ్ బోత్రా అనే ఐపీఎస్ అధికారి దోశ తినేందుకు ఓ రెస్టారెంట్‌కు వెళ్లారు. అక్కడ ఓ దోశకు ఆర్డర్ ఇచ్చారు. ఆయన టిఫిన్ చేసిన తర్వాత వెయిటర్ బిల్లు ఇచ్చాడు.
Updated on: May 10, 2023 | 8:09 AM
దొంగలు ఎప్పుడు ఎలా మాయ చేస్తారో ఎవరికి అర్థం కాదు. తాజాగా ఓ ఐపీఎస్ అధికారికి రెస్టారెంట్‌లో అలాంటిదే చేదు అనుభవం ఎదురైంది. ఇటీవల అరుణ్ బోత్రా అనే ఐపీఎస్ అధికారి దోశ తినేందుకు ఓ రెస్టారెంట్‌కు వెళ్లారు. అక్కడ ఓ దోశకు ఆర్డర్ ఇచ్చారు. ఆయన టిఫిన్ చేసిన తర్వాత వెయిటర్ బిల్లు ఇచ్చాడు. కానీ బిల్లులో రెండు దోశలకు డబ్బు కట్టాలని ఉంది. దీంతో ఆ అధికారి ఒక్కసారిగా షాక్ అయ్యాడు. ఇలా ఎందుకు జరిగిందని వెయిటర్‌ను అడగ్గా మరో టేబుల్ వద్ద కూర్చున్న వ్యక్తి ఈ దోశను ఆర్డరిచ్చాడని చెప్పాడు. ఐపీఎస్ అధికారితో రెస్టారెంట్‌కు వచ్చానని అతడు చెప్పినట్టు వెయిటర్ ఆయనకు వివరించాడు. ఇది విన్న ఆ అధికారి ఒక్కసారిగా కంగుతిన్నాడు. అయితే, ఐపీఎస్ అధికారి పేరిట దోశ ఆర్డరిచ్చిన ఆ వ్యక్తి అప్పటికే అక్కడి నుంచి జారుకున్నాడు
ఆ ఐపీఎస్ అధికారి తనకు ఎదురైన అనుభవాన్ని వివరిస్తూ సోమవారం ఓ ట్వీట్ చేశారు. ప్రస్తుతం ఇది వైరల్ అవుతోంది ఈ ఉదంతంపై కొందరు నెటిజన్లు ఆశ్చర్యం వ్యక్తం చేయగా మరికొందరు సరదాగా సెటైర్లు వేస్తున్నారు. ఐపీఎస్ అధికారికి మస్కా కొడుతున్న విషయం ఆ దొంగకు తెలుసా అంటూ మరికొందరు ప్రశ్నించారు. అలాగే మరికొందరు మిమ్మల్ని అడగకుండా ఆ వెయిటర్ అతడికి దోశ ఎందుకు ఇచ్చారంటూ అడిగారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..
