Viral Video: చేతిలో సిగరెట్.. మరో చేతితో పాము.. ఈ యువతి స్టైల్ చూస్తే మతిపోవాల్సిందే.!
పాములంటే ఎవ్వరికీ భయముండదు. వాటిని దూరం నుంచి చూస్తే చాలు కొంతమందికి గుండె ఆగినంత పనవుతుంది. అయితే ఇంకొందరు..
Updated on: Mar 17, 2022 | 1:14 PM
పాములంటే ఎవ్వరికీ భయముండదు. వాటిని దూరం నుంచి చూస్తే చాలు కొంతమందికి గుండె ఆగినంత పనవుతుంది. అయితే ఇంకొందరు పాములతో భలేగా గేమ్స్ ఆడుకుంటారు. దానికి ట్రైనింగ్ చాలా అవసరం. స్నేక్ క్యాచర్స్ అయితే ఓకే గానీ.. మాములు వ్యక్తులు పాములతో ఆటలు ఆడాలంటే.. ప్రాణాలతో చెలగాటం ఆడినట్లే.. సరే ఇప్పుడు ఇదంతా ఎందుకు చెబుతున్నానంటే.! తాజాగా ఓ అమ్మాయి అత్యంత సులువుగా పామును పట్టుకున్న వీడియో సోషల్ మీడియాలో వైరల్ అవుతోంది. అది చూసి నెటిజన్లు షాక్‌కు గురవుతున్నారు.
వైరల్ వీడియో ప్రకారం.. రోడ్డు మధ్యలో ఓ పాము చుట్టుకుని ఉన్నట్లు మీరు చూడవచ్చు. అప్పుడే అక్కడికి ఓ యువతి వస్తుంది. చేతిలో సిగరెట్ పట్టుకుని.. కూల్‌గా.. ఇంకో చేతితో పామును తల దగ్గర పట్టుకుంటుంది. ఆ తర్వాత రెండు చేతులతో దాన్ని తీసుకెళ్లి పక్కనే ఉన్న మొక్కలలో పడేస్తుంది. ఇక ఈ ఘటన బ్రెజిల్‌లో చోటు చేసుకోగా.. ఇందుకు సంబంధించిన విజువల్స్ ప్రస్తుతం సోషల్ మీడియాలో వైరల్ అవుతున్నాయి. ఇక ఆ పామును పట్టుకున్న యువతి పేరు జాక్వలిన్ అని తెలుస్తోంది.
View this post on Instagram
కాగా, ఈ వీడియోను ‘unilad’ అనే ఇన్‌స్టాగ్రామ్ పేజీ అప్‌లోడ్ చేయగా.. ఇప్పటివరకు దీనికి 78,851 లైకులు వచ్చాయి. నెటిజన్లు వరుసపెట్టి ఈ వీడియోపై కామెంట్స్ వర్షం కురిపిస్తూ.. ఆ యువతి ధైర్యాన్ని మెచ్చుకుంటున్నారు.
