Viral Video: సైలెంట్‌గా పెళ్లికొచ్చాడు.. వేదికపైనే శివతాండవం ఆడాడు.. దడుసుకున్న కొత్త జంట..

వైరల్ వీడియోలకు, విచిత్రమైన సంఘటనలకు సోషల్ మీడియా కేంద్ర బిందువు. ప్రతీ రోజూ వేలల్లో వీడియోలు వైరల్ అవుతుంటాయి. మ్యారేజ్ వీడియోలైతే మరీనూ.. తెగ చక్కర్లు కొడుతుంటాయి. సహాజంగా పెళ్లంటేనే సంబరంలా ఉంటుంది. అయితే ఇక్కడ దానికి కొంచెం భిన్నంగా ఉంది. ఈ పెళ్లిలో ఆనందం లేదు.. అట్టహాసం లేదు.. వధూవరులు దండలు మార్చుకున్నారు.. స్టేజీపైన నిల్చుని అతిధులతో ఫోటోలు దిగుతున్నారు. ఇక అప్పుడే ఒక ఊహించని సంఘటన జరిగింది. దీనితో అక్కడున్న వారంతా షాక్ అయ్యారు.

వైరల్ వీడియో ప్రకారం.. ఓ వ్యక్తి అప్పుడే వేదికపై వచ్చినట్లు మీరు చూడవచ్చు. అతడు వధూవరులను విష్ చేశాడు. ఆ తర్వాత వారి చేతులు పట్టుకుని ఫోటోకు పోజిస్తున్నాడు. ఈలోపు ఎవరో తెలియదు గానీ వెనుక నుంచి ఓ గంపను అతడి తలపై పెట్టాడు. అంతే! దాన్ని గమనించిన అతడు ఒక్కసారిగా కోపంతో ఊగిపోయాడు. ఠక్కున వెనక్కి తిరిగి.. అతడిపై దాడి చేశాడు.. పిడిగుద్దుల వర్షం కురిపించాడు. అప్పటిదాకా సైలెంట్‌గా ఉన్న అతడు ఒక్కసారిగా శివతాండవం ఆడటంతో అక్కడున్న వారంతా దెబ్బకు దడుసుకున్నారు. ఓ పెద్దాయన స్టేజీ ఎక్కి.. అతడ్ని కంట్రోల్ చేశాడు. ఇందుకు సంబంధించిన విజువల్స్ ప్రస్తుతం సోషల్ మీడియాలో వైరల్ అవుతున్నాయి.

కాగా, ఈ వీడియోను ‘only_sarcasm’ అనే ఇన్‌స్టా పేజీ అప్‌లోడ్ చేయగా.. నెటిజన్లు వరుసపెట్టి కామెంట్స్‌తో హోరెత్తిస్తున్నారు. ‘వామ్మో ఇంత కోపమా.. కాస్త కూల్ అవ్వు బాస్’ అని ఒక నెటిజన్ కామెంట్ చేయగా.. ‘పెళ్లి పిలిచి అవమానిస్తే.. ఇలానే ఉంటుంది మరి’ అని మరొకరు తన అభిప్రాయాన్ని వ్యక్తం చేశారు.

View this post on Instagram

A post shared by SᶸᵖᵉᣴMan ⏤͟͟͞͞★ (@only._.sarcasm_)