Viral Video: ప్రకృతిలో ఇంకా దయ మిగిలే ఉంది.. ప్రాణాల కోసం పోరాడుతున్న జింకని కాపాడిన ఏనుగు.. ఆకట్టుకున్న వీడియో
సోషల్ మీడియాలో ఒక వీడియో వైరల్ అవుతోంది. ఆ వీడియోలో ఒక ఏనుగు ఒక జింక ప్రాణాలను కాపాడుతున్నట్లు కనిపిస్తుంది. ఆ జింక నీటితో నిండిన చెరువులో పడిపోయింది. అటువంటి పరిస్థితిలో అక్కడ ఉన్న ఒక ఏనుగు ఆ జింకను నీటి నుంచి బయటకు తీసి ఆ జింక ప్రాణాలు కాపాడింది. మనిషిలో లోపిస్తున్న మానవత్వం జంతువులలో ఇంకా మిగిలే ఉందని ఏనుగు నిరూపించింది.
Updated on: Jun 14, 2025 | 11:25 AM
సోషల్ మీడియాలో ఒక వీడియో వేగంగా వైరల్ అవుతోంది. ఆ వీడియోలో కొండల మధ్య నిర్మించిన లోతైన చెరువులోకి ఏనుగు నీరు త్రాగడానికి వచ్చినట్లు కనిపిస్తుంది. అప్పటికే అక్కడ చాలా జింకలు ఉన్నాయి. ఆ ఏనుగు తన తొండంతో సంతోషంగా నీరు తాగుతోంది. ఇంతలో ఏదో కారణం చేతనో చెరువులో పడిపోయిన జింక కనిపించింది. చెరువు చాలా లోతుగా ఉంది. అది చెరువు నుంచి బయటకు వచ్చే ప్రయత్నం చేస్తోంది. అయితే గట్టుమీద ఎక్కలేక పోవడంతో అది బయటకు రాలేకపోతుంది.
జింక ప్రాణాలను కాపాడిన ఏనుగు
ఎంత ప్రయత్నించినా జింక చెరువు నుంచి బయటకు రాలేకపోయింది. దీంతో అది నీటిలో చిక్కుకుని అసహాయ స్థితిలో నిలబడింది. అక్కడ ఉన్న ఏనుగు కొద్దిసేపు నీటి నుంచి బయటకు రావడానికి కష్టపడుతున్న జింకను చూసింది. తర్వాత ఏమని అనుకుందో.. ఏనుగు జింకను కాపాడాలని భావించి తన తొండంతో దాన్ని బయటకు తీసింది. 41 సెకన్ల వీడియోలో.. ఏనుగు జింకను నీటి నుంచి బయటకు తీసుకురావడానికి ఎలా సహాయం చేసిందో కనిపించింది. సోషల్ మీడియాలో వైరల్ అవుతున్న ఈ వీడియోను నెటిజన్లు చాలా ఇష్టపడుతున్నారు.
వైరల్ అవుతున్న వీడియో
An Elephant Helps a Gazelle Avoid Drowning pic.twitter.com/R3EkwIvZms
— Nature is Amazing ☘️ (@AMAZlNGNATURE) June 6, 2025
ఏనుగుకి సంబంధించిన ఈ వీడియోను ప్రజలు చాలా ఇష్టపడుతున్నారు. ఈ వీడియో సోషల్ మీడియాలో కూడా వైరల్ అయింది. ఇప్పటివరకు, 18 లక్షలకు పైగా నెటిజన్లు ఈ వీడియోను చూశారు. చాలా మంది వినియోగదారులు ఈ వీడియోపై స్పందిస్తున్నారు. వీడియోను లైక్ చేసి షేర్ చేస్తున్నారు. ఈ వీడియోను సోషల్ మీడియా ప్లాట్ఫామ్ Xలో @AMAZlNGNATURE అనే IDతో షేర్ చేశారు.
నెటిజన్లు ఏమని స్పందిస్తున్నారంటే
వీడియో చూసిన తర్వాత చాలా మంది నెటిజన్లు ఈ వీడియోపై వ్యాఖ్యానించారు. ఏనుగు ముఖంలో ఈ భావాన్ని కలిగి ఉంది.. నేను జింకను రక్షించా.. వావ్ నేను చాలా గర్వంగా ఉన్నాను.. అని ఒకరు కామెంట్ చేశారు. మరొకరు నాకు ఏనుగులు అంటే చాలా ఇష్టం.. అవి చాలా సానుభూతి కలిగి ఉంటాయని చెప్పారు. చాలా మంది వావ్ అంటూ తమ సంతోషాన్ని తెలియజేశారు. సోషల్ మీడియాలోని వినియోగదారులు ఏనుగు పరోపకార లక్షణాలను చాలా ఇష్టపడ్డారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
