Viral Video: ఉడుతను సేవ్ చేయడానికి ప్రాణాలకు తెగించిన శునకం..

Trending Video: విశ్వాసానికి మారుపేరు శునకం..అవి అప్పుడప్పుడు ఆపద్భాంధవులుగా కూడా మారుతుంటాయి. అలాంటిదే ఈ వీడియో కూడా. ప్రాణాపాయ స్థితిలో ఉన్న ఓ ఉడుతను ప్రాణాలకు తెగించి రక్షించింది ఓ శునకం. ప్రస్తుతం ఈ వీడియో నెట్టింట వైరల్‌ అవుతూ నెటిజన్లను ఎంతగానో ఆకట్టుకుంటోంది. ముందుగా చెప్పాలంటే…కుక్కలకూ ఉడుతలకూ అస్సలు పడదు. ఉడుత దొరికితే కుక్క కొరికి చంపి తినేస్తుంది. కానీ ఆ కుక్క మాత్రం ఉడుత కోసం తన ప్రాణాలను పణంగా పెట్టింది. ఉడుతను కాపాడేందుకు సరస్సులోకి దూకింది. నీళ్లలో ఈదుకుంటూ వెళ్లి… ప్రాణాపాయ స్థితిలో ఉన్న ఓ పెద్ద ఉడుతను తన తలపైకి ఎక్కించుకుంది. తిరిగి ఈదుకుంటూ వచ్చి తన యజమాని బోట్ ఎక్కింది. అలా ఉడుతకు ప్రాణం పోసింది. ఉడుత కారణంగా కుక్క తల కూడా నీటిలో మునిగిపోయే పరిస్థితి ఉన్నా… ఆ జాగిలం ఏమాత్రం వెనకడుకు వెయ్యకుండా… సాహసం చేసింది. ఈ వీడియో నెటిజన్లకు ఎంతగానో నచ్చింది. వీడియో చూసిన చాలామంది నెటిజన్లు భిన్నమైన కామెంట్లు చేస్తున్నారు.